Mumbai News : 'परे'च्या चार विशेष गाड्यांना मुदतवाढ! प्रवाशांना मोठा दिलासा

मुंबई : रेल्वे प्रवाशांच्या सोयीसाठी आणि त्यांच्या मागणीची पूर्तता करण्यासाठी, पश्चिम रेल्वेने वांद्रे टर्मिनस-अजमेर, वांद्रे टर्मिनस-बाडमेर, वलसाड-भिवानीआणि डोदरा-हरिद्वार दरम्यान चार विशेष रेल्वे गाड्या कालावधी वाढविण्याचा निर्णय घेतला आहे. त्यामुळे प्रवाशांना मोठा दिलासा मिळणार आहेत.

पश्चिम रेल्वेने दिलेल्या माहितीनुसार, ट्रेन क्रमांक ०९०३९ वांद्रे टर्मिनस - अजमेर साप्ताहिक विशेष जी पूर्वी २८ जून २०२३ पर्यंत अधिसूचित करण्यात आली होती ती आता २७ सप्टेंबर २०२३ पर्यंत वाढवण्यात आली आहे. गाडी क्रमांक ०९०४० अजमेर - वांद्रे टर्मिनस साप्ताहिक विशेष जी यापूर्वी २९ जून पर्यंत अधिसूचित करण्यात आली होती. ती आता २८ सप्टेंबर २०२३ पर्यंत वाढविण्यात आली आहे.

ट्रेन क्रमांक ०९००७ वलसाड – भिवानी साप्ताहिक विशेष जी पूर्वी २९ जून २०२३ पर्यंत ती आता २८ सप्टेंबर २०२३ पर्यंत वाढवण्यात आली आहे. गाडी क्रमांक ०९००८ भिवानी – वलसाड साप्ताहिक विशेष जी यापूर्वी ३० जून २०२३ पर्यंत ती आता २९ सप्टेंबर २०२३ पर्यंत वाढवण्यात आली आहे. ट्रेन क्रमांक ०९०३७ वांद्रे टर्मिनस - बाडमेर साप्ताहिक विशेष आता २९ सप्टेंबर२०२३ पर्यंत, ट्रेन क्रमांक ०९०३८ बारमेर - वांद्रे टर्मिनस साप्ताहिक विशेष आता ३० सप्टेंबर २०२३ पर्यंत वाढवण्यात आली आहे.

तर ट्रेन क्रमांक ०९१२९ वडोदरा - हरिद्वार साप्ताहिक विशेष जी यापूर्वी २४ जून २०२३ पर्यंत अधिसूचित करण्यात आली होती ती आता ३० सप्टेंबर२०२३ पर्यंत वाढवण्यात आली आहे.