कोरोना लसीचे उत्पादन वाढवण्यासाठी हाफकिन स्थापन करणार प्रयोगशाळा

मुंबई : सरकारच्या मालकीच्या हाफकिन बायो-फार्मास्युटिकल कॉर्पोरेशन लिमिटेडने संपूर्ण भारतीय बनावटीच्या कोवाक्सिन या कोरोना लसीच्या उत्पादनासाठी केंद्र सरकारकडे बीएसएल -3 दर्जाची प्रयोगशाळा आपल्या कॅम्पसमध्ये सुरू करण्याची परवानगी मागितली आहे. 'कोविड सुरक्षा' मिशन अंतर्गत हाफकिनने मार्चच्या पहिल्या आठवड्यातच आयसीएमआरकडे कोवॅक्सीनच्या उत्पादनाची परवानगी मागितली आहे. केंद्र सरकारने कालच (मंगळवारी) 45 वर्षांवरील नागरिकांना तिसऱ्या टप्प्यात लसीकरणाची परवानगी देऊ केली आहे. या पार्श्वभूमीवर राज्यातील आरोग्य विभागातील अधिकाऱ्यांनी आता लसीचे उत्पादन वाढवण्याची गरज असल्याचं या आधीच बोलून दाखवलं आहे. 

महत्त्वाची बातमी : रेल्वे स्टेशनवर येईल विमानतळाचा फील, मुंबई सेंट्रलच्या प्रतिक्षालयाचा होणार कायापालट

हाफकिन संस्थेने कोवॅक्सीन बनवण्याचं तंत्रज्ञान हस्तांतरित करण्यासाठी भारत बायोटेक या कंपनीकडे परवानगी मागितली आहे. हा प्रकल्प उभारण्यासाठी हाफकिन संस्थेला राज्य सरकारकडून १५४ कोटी तर केंद्र सरकारकडून  ८७ कोटींची आवश्यकता भासणार आहे. 

एकूण दोन टप्प्यांमध्ये हा कार्यक्रम राबवला जाणार आहे. यामधील पहिल्या टप्प्यात भारत बायोटेक या कंपनीकडून लस घेऊन हाफकिनमध्ये केवळ इंजेक्शन भरून ते वितरित करण्यावर प्राधान्य राहणार आहे. तर दुसऱ्या टप्प्यात हाफकिन संस्था भारत बायोटेककडून टेक्नॉलॉजि घेऊन स्वतःच  लसीचे उत्पादन सुरु करणार आहे . या टप्प्याला पूर्ण होण्यास तब्बल दीड वर्षांचा कालावधी लागणार आहे. 

मुंबई विभागातल्या ताज्या बातम्या वाचण्यासाठी येथे क्लिक करा.

याबाबत बोलताना हाफकिन संस्थेचे व्यवस्थापकीय संचालक संजय राठोड म्हणालेत की, "सुरवातीच्या टप्प्यात झालेल्या चर्चेनुसार जर कंपनीने आम्हाला कच्चा माल पुरवला तर आम्ही वर्षाला १२.६ कोटी लसी बनवू शकतो. सोबतच नवीन प्रयोगशाळा तयार झाल्यास हीच संख्या वर्षाला वाढून २२८ कोटींवर देखील नेली जाऊ शकते. 

mumbai news haffkine now plans lab to scale up vaccination production