Mumbai : महावितरणची जुनी थकबाकी वसुली बेकायदेशीर, ग्राहकांनी जागरूक रहावे; होगाडे यांचे आवाहन

Mahavitaran
Mahavitaran

मुंबई : राज्यातील विविध भागांमध्ये महावितरणमार्फत जुनी थकबाकी वसूल करण्यात येत आहे. काही वीज ग्राहकांना त्यांच्या बिलांमध्ये १५-२० वर्षांपूर्वीच्या थकबाकी टाकून वाढीव वीज बिले लागू करण्यात आली आहेत. तर काही वीज ग्राहकांच्या बाबतीत कंपनीचे कर्मचारी त्या ग्राहकांना भेटून त्यांना "तुमच्या जागेतील मागील थकबाकी भरावी अन्यथा तुमच्या बिलामध्ये टाकण्यात येईल' अशा सूचना देत आहेत.

Mahavitaran
Mumbai : मुंबईत आणखी १२ ठ‍िकाणी बहरणार जंगल! PM मोंदींकडून पालिकेच्या वनीकरण उपक्रमाचे कौतुक

ही कारवाई बेकायदेशीर असल्याची टीका वीज ग्राहक संघटनेच्या इचलकरंजी कार्यालयाशी संपर्क साधावा असे आवाहन महाराष्ट्र वीज ग्राहक संघटनेच्या वतीने अध्यक्ष व वीजतज्ञ प्रताप होगाडे यांनी केले आहे.

२३ मे २०२३ रोजी सर्वोच्च न्यायालायने संबंधित विनियमातील तरतुदीनुसार वसूली करण्यास मान्यता दिली आहे. त्यानुसार महाराष्ट्रामध्ये दि. २० जानेवारी २००५ ते दिनांक २३ फेब्रुवारी २०२१ या कालावधीत ज्यांनी नवीन वीज जोडण्या घेतलेल्या आहेत, त्या ग्राहकांच्या जागेत जुनी थकबाकी असेल तर तत्कालीन विनियमानुसार ही जुनी थकबाकी फक्त सहा महिन्यांच्या कालावधीचीच वसूल करता येईल.

२० जानेवारी २००५ च्या पूर्वी अथवा दि. २३ फेब्रुवारी २०२१ च्या नंतर ज्यांनी नवीन वीज जोडण्या घेतलेल्या आहेत, त्यांच्या बाबतीत त्या जागेत जुनी थकबाकी असेल तर नवीन जोडणी मागणाऱ्या ग्राहकांकडून ती संपूर्णपणे कायदेशीररित्या दिवाणी दावा दाखल करून वसूल करता येईल.

Mahavitaran
Devendra Fadnavis : आश्चर्य! शिवसेनेला वर्धापन दिनाच्या शुभेच्छा देणारं ट्वीट फडणवीसांनी डिलिट केलं

हा निर्णय झाल्यानंतर आता पुन्हा ज्या ग्राहकांचा वीज पुरवठा १५/२० वर्षांपूर्वी खंडित झालेला आहे व जेथे नवीन जोडण्या दिलेल्या आहेत अशा ठिकाणी जुन्या ग्राहकांना नोटिसा देण्याचे व वसुली करण्याचे कोणतेही कारण उरत नाही. तरीही सुप्रीम कोर्टाचा निकाल आमच्या बाजूने झालेला आहे, असे सांगून ही वसुली करण्याचा बेकायदेशीर प्रयत्न केला जात आहे, असेही होगाडे म्हणाले.

यासंदर्भात महाराष्ट्र वीज ग्राहक संघटना व जनता दल कार्यालयही संपर्क साधत नागरिकांना तक्रारी नोंदविण्याचे आवाहन होगाडे यांनी केले आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com