esakal | उद्धव आणि राज ठाकरे यांच्या संवादाने सगळ्यांचं वेधलं लक्ष; शिवसेना प्रमुख बाळासाहेब ठाकरे यांच्या पुतळ्याचे अनावरण संपन्न
sakal

बोलून बातमी शोधा

उद्धव आणि राज ठाकरे यांच्या संवादाने सगळ्यांचं वेधलं लक्ष; शिवसेना प्रमुख बाळासाहेब ठाकरे यांच्या पुतळ्याचे अनावरण संपन्न

 शिवसेना प्रमुख हिंदुहृदयसम्राट बाळासाहेब ठाकरे यांच्या पूर्णाकृती पुतळ्याचं मुख्यमंत्री उद्धव ठाकरे यांच्या हस्ते आज मुंबईतील डॉक्टर शामाप्रसाद मुखर्जी चौकात उदघाटन करण्यात आलं

उद्धव आणि राज ठाकरे यांच्या संवादाने सगळ्यांचं वेधलं लक्ष; शिवसेना प्रमुख बाळासाहेब ठाकरे यांच्या पुतळ्याचे अनावरण संपन्न

sakal_logo
By
तुषार सोनवणे

मुंबई : शिवसेनाप्रमुख बाळासाहेब ठाकरे यांच्या पुर्णाकृती पुतळ्याचं अनावरण आज संपन्न झालं. या कार्यक्रमासाठी मुख्यमंत्री उद्धव ठाकरे यांच्यासह राष्ट्रवादी काँग्रेसचे अध्यक्ष शरद पवार, विधानसभेतील विरोधी पक्षनेते देवेंद्र फडणवीस, महाराष्ट्र नवनिर्माण सेनेचे अध्यक्ष राज ठाकरे यांच्यासह सर्वच राजकीय पक्षाचे अनेक नेते या कार्यक्रमाला उपस्थित होते. बाळासाहेब ठाकरे यांच्या पुर्णाकृती पुतळ्याच्या निमित्ताने उद्धव ठाकरे आणि राज ठाकरे पुन्हा एकाच कार्यक्रमात पाहायला मिळाले. त्यांनी आनंदाने एकमेकांशी साधलेला संवाद बघ्यांचे लक्ष वेधून घेत होता. महाविकास आघाडीचे नेतृत्व उद्धव ठाकरे करीत आहेत. सरकारवर टीका करण्याची कोणतीही संधी मनसे सोडत नाही. शिवाय सध्या महानगरपालिका निवडणूका तोंडावर असल्यान राजकीय टीका टिपण्णीसुद्दा शिवसेना आणि मनसेमध्ये सुरू आहे. परंतु बाळासाहेब ठाकरेंच्या पुतळा अनावणाच्या कार्यक्रमात दोन्ही भाऊ आनंदाने संवाद सांधत असल्याचे दिसले. 

मुख्यमंत्री उद्धव ठाकरे यांच्या हस्ते शिवसेना प्रमुख बाळासाहेब ठाकरे यांच्या पुतळ्याचे अनावरण संपन्न

बाळासाहेब ठाकरे यांच्या पुतळ्याच्या अनावरणाच्या कार्यक्रमासाठी मुख्यमंत्री उद्धव ठाकरे 6 वाजता कार्यक्रमस्थळी पोहचले. त्याआधीच राज ठाकरे तेथे उपस्थित होते. उद्धव ठाकरे येईपर्यंत राज यांचा मंत्री छगन भुजबळ, एकनाथ शिंदे, बाळासाहेब थोरात यांच्याशी संवाद झाला. विरोधी पक्षनेते देवेंद्र फडणवीस आणि उद्धव ठाकरे यांचे आगमन झाल्यानंतर सर्वच नेत्यांनी एकत्र झाल्याचे पाहायला मिळाले. राष्ट्रवादीचे अध्यक्ष शरद पवार यांचे आगमन झाल्यानेतर उद्धव ठाकरे यांच्या हस्ते बाळासाहेब ठाकरे यांच्या पुतळ्याचे अनावरण झालं. राज्यातील सर्वच दिग्गज नेते एका व्यासपीठावर आल्याने महाराष्ट्रातील राजकीय संस्कृतीतील श्रीमंती सर्वांनी अनुभवली.

mumbai political news Uddhav and Raj Thackerays meeting caught everyones attention ShivSena chief Balasaheb Thackerays statue unveiled

----------------------------------------------

( संपादन - तुषार सोनवणे )