मुंबई : रविवारी तिन्ही रेल्वे मार्गावर मेगाब्लाॅक!

मुंबई : मध्य (central railway), हार्बर, पश्चिम रेल्वेवर (Harbor and western railway) रेल्वे रूळ, सिग्नल यंत्रणा, ओव्हर हेड वायर यांच्या देखभाल दुरुस्तीसाठी (Railway repairing work) रविवारी (ता.17) रोजी मेगाब्लॉक (Mega block) घेण्यात येईल. हार्बर मार्गावरील प्रवाशांना ब्लाॅक कालावधीत सकाळी 10 वाजेपासून ते सायंकाळी 6 वाजेपर्यंत मुख्य मार्गिका आणि पश्चिम रेल्वेवरून प्रवास करण्याची परवानगी देण्यात आली आहे. दिवा ते ठाणे पाचवी आणि सहावी मार्गिकेच्या कामासाठी 18 तासांचा विशेष ब्लाॅक घेण्यात आला आहे.

कुठे : सीएसएमटी ते चुनाभट्टी/ वांद्रे अप आणि डाऊन मार्गावर

कधी : सकाळी 10.45 वाजता ते सायंकाळी 5.13 वाजता

परिणाम : ब्लाॅक कालावधीत सीएसएमटी ते चुनाभट्टी/ वांद्रे अप आणि डाऊन, सीएसएमटी/वडाळा रोड ते वाशी/बेलापुर/पनवेल, सीएसएमटी ते वांद्रे/गोरेगाव अप आणि डाऊन मार्गावरील लोकल सेवा रद्द करण्यात येणार आहे. ब्लाॅक कालावधीत पनवेल ते कुर्ला दरम्यान फलाट क्रमांक 8 वरून विशेष सेवा चालविण्यात येणार आहे.

कुठे : चर्चगेट ते मुंबई सेंट्रल अप आणि डाऊन जलद मार्गावर

कधी : सकाळी 10.35 वाजता ते सायंकाळी 3.35 वाजता

परिणाम : ब्लाॅक कालावधीत चर्चगेट ते मुंबई सेंट्रल अप आणि डाऊन जलद मार्गावरील लोकल धीम्या मार्गावर वळविण्यात येणार आहे. तर, काही लोकल रद्द केल्या जाणार आहेत.