मुंबईः अतिरिक्त आयुक्त सुरेश काकाणी यांनी शनिवारी मुंबईत लस उपलब्ध झाल्यानंतर त्या कुठे कुठे स्टोरेज करून ठेवल्या जातील या संदर्भातला आढावा घेतला. कांजूरमार्ग येथील पालिकेच्या इमारतीत देखील स्टोरेजची सुविधा उपलब्ध केली जाणार आहे.
मुंबईत कोविड सेंटरचे 75 टक्के बेड शिल्लक आहेत. ऑक्सिजन सिस्टम देखील सज्ज आहे. रुग्ण वाढले तरी मुंबई सज्ज आहे.. आपल्याकडे मुबलक स्टाफ उपलब्ध असल्याचं काकाणी यांनी सांगितलं. युके येथून नवा कोरोनाचा रुग्ण आला तरी त्यासाठी देखील पालिकेची तयारी असल्याचंही ते म्हणालेत. 7 हजार आता रुग्ण आहेत. बेड रिकामे असले तरी आपण स्टाफला कायम ठेवलं आहे कारण आपल्याला त्यांची केव्हाही गरज पडू शकते, असं काकाणी यांनी म्हटलं आहे.
अधिक वाचा- मुंबईत पावसाळी आजारामुळे मृत्यूचा आकडा घटला
आठ लसीकरण केंद्रासह साठवणुक केंद्राची तयारी पूर्ण झाली आहे. ही लस 2 ते 8 अंश तापमानाला साठवावी लागणार आहे. तसेच, वाहतुकही याच तापमानाला करावी लागणार आहे. त्यादृष्टीने नियोजन करण्यात आले आहे. आवश्यकता भासल्यास उणे 25 ते 15 अंश तापमानातही लस साठविण्याची तयारी महापालिकेने केली आहे. लसीकरण मोहिमेत सहभागी असलेल्या कर्मचाऱ्यांच्या प्रशिक्षणाचा आढावाही यावेळी घेण्यात आला.
पहिल्या टप्प्यात खासगी आणि सार्वजनिक क्षेत्रातील आरोग्य कर्मचाऱ्यांना ही लस देण्यात येणार आहे.अशा 1 लाख 25 हजार कर्मचाऱ्यांची नोंद महानगर पालिकेने केली आहे. दुसऱ्या टप्प्या पासून लसीकरणाची व्याप्ती वाढविण्यात येणार आहे. यात निम वैद्यकिय कर्मचारी, कोविड संदभार्गत काम केलेले पालिकेचे आणि खासगी सफाई कामगार, इतर फ्रंट लाईन कर्मचारी, पोलिस, बेस्ट आणि राज्य परिवहन सेवेचे कर्मचारी असे 5 ते 6 लाख जणांचे लसीकरण करण्यात येणार आहे. तिसऱ्या टप्प्यात 50 वर्षावरील नागरिक आणि सहाव्याधी आणि दिर्घकालीन आजार असलेल्या रुग्णांना लस देण्यात येणार आहे.
Mumbai ready for vaccination where store the vaccine bmc suresh kakani
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.