कोरोनाच्या तिसऱ्या लाटेदरम्यान मुंबईत आढळला 'म्युकरमायकोसिस'चा पहिला रुग्ण

First Case of Mucormycosis in Mumbai: भारतामध्ये गेल्या काही दिवसांपासून कोरोनाच्या रुग्णांमध्ये सातत्याने वाढ होत आहे. कोरोनाचा (Corona) वाढता संसर्ग रोखण्यासाठी सरकारने कडक निर्बंध घातले आहेत. या पार्श्वभूमीवर महाराष्ट्राची चिंता वाढवणारी बातमी समोर आली आहे. महाराष्ट्र कोरोनाच्या तिसर्‍या लाटेशी सामना करत असतानाच आता मुंबईत म्युकरमायकोसिस (Mucormycosis) किंवा 'ब्लॅक फंगस'चे (Black Fungus) पहिले प्रकरण (First Case) नोंदवले गेले आहे. 5 जानेवारी रोजी कोरोना पॉझिटिव्ह चाचणी आढळलेल्या 70 वर्षीय व्यक्तीला गेल्या आठवड्यात बुरशीजन्य संसर्गाशी संबंधित लक्षणे दिसू लागली होती. या व्यक्तीला मुंबई सेंट्रल येथील वोक्हार्ट रुग्णालयात दाखल करण्यात आले असून त्याच्यावर सध्या उपचार सुरू आहेत.

12 जानेवारी रोजी अशक्तपणाच्या तक्रारीनंतर रुग्णाला रुग्णालयात दाखल करण्यात आले. त्याच्या रक्तातील साखरेची पातळी देखील 532 पर्यंत वाढली होती. हे उपचार चालू असतानाही, काही दिवसांनंतर रुग्णाने गालात वेदना होत असल्याची आणि सूज आल्याची तक्रार केली, जी दवाखान्यात दाखल होताना नव्हती.15 जानेवारीपर्यंत, सूज आणि वेदना मोठ्या प्रमाणात वाढली होती. चाचणीसाठी पाठवलेल्या नाकातील स्वॅबमध्ये देखील बुरशीजन्य हायफेची वाढ उघड झाली होती. ईएनटी सर्जनने केलेल्या डीब्रीडमेंट आणि फंक्शनल एंडोस्कोपिक सायनस शस्त्रक्रियेने देखील नाकपुड्यांत काळ्या रंग उघड दिसत होता आणि नेक्रोटिक टिश्यूचा नाश झाला होता.अधिका-यांच्या म्हणण्यानुसार, रुग्णाची प्रकृती सध्या स्थिर आहे आणि तो इंट्राव्हेनस अँटीफंगल्सवर आहे. त्याला एकापेक्षा जास्त डिब्रीडमेंट्स करावे लागतील आणि दीर्घ कालावधीसाठी अँटीफंगल उपचार आवश्यक असतील.

म्यूकोर्मायकोसिस म्हणजे काय?(What is myocardial infarction?)-

कोविडमधून बरे झालेल्या काही रुग्णांत ‘म्युकोरमायकोसिस’ (Mucormycosis) हे ‘फंगल इन्फेक्शन’ (fungal infection) आढळते. कोरोनामुळे प्रतिकारशक्ती तसेच उपचारादरम्यान स्टिरॉईड्सचा मारा यामुळे अनियंत्रित मधुमेहातील रुग्णांमध्ये ‘म्युकोरमायकोसिस’ हा बुरशीजन्य आजार वाढतो.

तिसर्‍या लाटेदरम्यान मुंबईतून अशा प्रकारची ही पहिलीच केस नोंदवली गेली असली तरी, शहरात आणि देशाच्या इतर भागांमध्ये मागील वर्षभरात हजारो प्रकरणे पाहिली गेली होती.