Fire on Ship rescue drill
sakal
- नितीन बिनेकर
मुंबई - जहाजाला भीषण आग लागली... समुद्रात व्यक्ती पडली... जखमीला तातडीने बाहेर काढायचे आहे... अशा विविध आपत्कालीन परिस्थितींचा सामना करण्याचा थरारक सराव गुरुवारी मुंबईच्या समुद्रात झाला. भारतीय तटरक्षक दलाने आयोजित केलेल्या ‘रेसारेक्स-२६’ या प्रादेशिक सागरी शोध व बचाव सरावात हेलिकॉप्टर, गस्ती नौका आणि विशेष बचाव पथकांच्या मदतीने विविध मोहिमांचे प्रत्यक्ष प्रात्यक्षिक करण्यात आले.
