Mumbai Water Lake Level : मुंबईची तहान भागवणारा ७ पैकी आणखी एक तलाव ओव्हरफ्लो; 'येथे' पाहा व्हिडीओ

Mumbai Water Lake Level
Mumbai Water Lake Level

राज्यातील अनेक जिल्हात मागील काही दिवसांपासून मुसळधार पावसाने झोडपून काढले आहे. यादरम्यान मुंबई शहर आणि परिसरात देखील मागील काही दिवसांपासून मुसळधार पाऊस होतो आहे. या पार्श्वभूमिवर मुंबईकरांसाठी दिलासादायक बातमी समोर आली आहे. पाणीकपातीचं संकट घोंगावत असतानाच मुंबई शहराला पाणीपुरवठा करणाऱ्या सात धरणांपैकी आणखी एक धरण ओव्हर फ्लो झालं आहे.

मागील काही दिवसात होत असलेल्या सततच्या पावसामुळे मुंबईला पाणीपुरवठा करणाऱ्या धरणांत पाण्याची आवक मोठ्या प्रमाणात वाढली आहे. याचा परिणाम म्हणून नद्या नाले भरून वाहत आहेत. यादरम्यान मुंबईची तहान भागवणाऱ्या सात धरणांपैकी चार धरणे पूर्ण क्षमतेने भरली आहेत.

Mumbai Water Lake Level
Monsoon Session : अबू आझमी अन् भाजपा आमदारांत जुंपली; वादानंतरचं ट्वीट चर्चेत

"मुंबईकरांना पाणीपुरवठा करणा-या ७ तलावांपैकी मोडक सागर तलाव आज (२७ जुलै २०२३) रात्री १० वाजून ५२ मिनिटांनी भरुन ओसंडून वाहू लागला आहे." अशी माहिती मुंबई महानगरपालिकच्या ट्वीटर हँडलवरून देण्यात आली आहे. दरम्यान हे धरण ओव्हर फ्लो झाल्याने दोन दरवाजे उघडण्यात आले आहेत, त्यामुळे धरणातून ६००० क्यूसेकने पाणी सोडण्यात येत आहे.

Mumbai Water Lake Level
Mumbai Rain Update : मुंबईत मुसळधार पावसाने रस्ते, रेल्वे वाहतुकीला फटका; आजही ऑरेंज अलर्ट

हे तलाव झाले ओव्हरफ्लो

मुंबई शहराला पाणीपुरवठा करणाऱ्‍‌या सात धरणांची एकूण कमाल पाणी साठवण क्षमता ही सुमारे १,४४,७३६.३ कोटी लिटर (१४,४७,३६३ दशलक्ष लिटर) इतकी आहे. दरम्यान यापूर्वी तुळशी तलाव २० जुलैपासून ओसंडून वाहत आहे, तर विहार आणि तानसा तलाव बुधवार सकाळपासून ओव्हरफ्लो होऊ लागले आहेत. यानंतर आता काल मोडक सागर देखील फुल्लं झाला आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com