जंगलच्या राजासाठीही राणीच्या बागेत रुग्णालय; अतिदक्षता विभागाचीही सुविधा

मुंबई : भायखळा (byculla zoo) येथील विरमाता जिजाबाई भोसले उद्यान व प्राणीसंग्रहालयात प्राण्यासाठी सुसज्ज रुग्णालय (Animal hospital) तयार करण्यात येत आहे. या रुग्णालयात प्राण्यांसाठी खास अतिदक्षता विभागही (ICU) असेल.येत्या वर्षात हे रुग्णालय कार्यरत होईल.

राणीच्या बागेत सध्या लहान प्राण्यासाठी तसेच पक्षांसाठी रुग्णालय आहे. आता बागेत वाघ,बिबळ्या दाखल झाला आहे.तर,येत्या काळात परदेशातून कांगारू,झेब्रा,जिराफ असे प्राणी तर देशातील इतर भागातून सिंहासह इतर प्राणी आणण्यात येणार आहेत.या प्राण्यासाठी पाच हजार चौरस फुटाचे रुग्णालय बांधण्यात येत आहे.या रुग्णालयाचे काम सुरु असून यात प्राण्यासाठी सर्व आवश्‍यक सुविधा उपलब्ध असतील असे प्राणीसंग्रहालयाचे संचालक डॉ.संजय त्रिपाठी यांनी सांगितले.प्राण्यासाठी आयसीयू सारखीही सुविधा यात असेल असेही त्यांनी सांगितले.

60 कोटींचा खर्च

या रुग्णालया बरोबरच पक्षी,इतर प्राण्याचे विलगीकरण कक्ष,माकड प्रदर्शन सुविधा,मगर सुसर यांची प्रदर्शनी बांधण्यात येत आहे.या प्राण्यासाठी रात्रीची निवासस्थाने बांधण्या बरोबर तेथील पाणी कायम स्वच्छ राहील अशी यंत्रणा तयार करण्यात येत आहे.यासाठी पालिका 60 कोटी 62 लाख रुपयांचा खर्च करत आहे.यात प्राणीसंग्रहालया भोवती आवश्‍यक भिंती आणि काटेरी तारेचे कुंपणही बांधण्यात येत आहे.तसेच,माकडांची रात्रीची निवीस स्थाने आणि त्यांना फिरण्यासाठी जागा तत्याच बररोबर मगर सुसर असे प्राणी पाण्याखाली पोहताना पाहाण्यासाठी पारदर्शक गॅलरीही बांधण्यात येईल.

रुग्णालयात हे असेल

-इनक्यूबिनेशन सेंटर

-शस्त्रक्रिया विभाग

-विविध चाचण्याची सोय

-क्षचिकीत्सा विभाग