Sex Trap: पोलिस असल्याची बतावणी; महिलेने स्वत:वरच छापा टाकायला लावून उकळले पैसे | Sakal
sakal

बोलून बातमी शोधा

crime

Sex Trap: पोलिस असल्याची बतावणी; महिलेने स्वत:वरच छापा टाकायला लावून उकळले पैसे

मुंबई: एका महिलेने तिच्या तीन साथीदारांच्या मदतीने एका ५७ वर्षांच्या पुरुषाला लैंगिक संबंधांच्या जाळ्यात अडकवून पैसे उकळल्याची घटना घडली आहे. तिने त्या पुरुषाला भाईंदर (पूर्व)मधील एका फ्लॅटमध्ये लैंगिक संबंधाच्या बहाण्याने नेलं. त्यानंतर या महिलेने आपल्या इतर साथीदारांच्या मदतीनेच त्या पुरुषाला फसवलं आहे. तिच्या साथीदारांनी पोलिस असल्याची बतावणी करत त्या फ्लॅटवर छापा टाकून त्या व्यक्तीकडून 70 हजार रुपये उकळल्याची धक्कादायक घटना घडली आहे. या घटनेनंतर या चौघाही आरोपींना सापळा रचून नवघर पोलिसांनी अटक केली आहे.

हेही वाचा: Petrol Diesel Price: डिझेलही शंभरी पार! जाणून घ्या पेट्रोलचे आजचे दर

गेल्या ४५ दिवसांपासून ज्योती नावाची एक महिला फोन करून त्याला भेटण्याची विनंती करत होती. 23 मार्च रोजी तिने त्याला भाईंदर (पूर्व) मधील शिर्डीनगर येथील एका इमारतीतील फ्लॅटवर बोलावले आणि त्यानंतर हा सगळा प्रकार घडल्याचं दिसून आलं. २५ मार्च रोजी त्या फसवणूक झालेल्या व्यक्तीने पोलिसांकडे धाव घेतली आहे.

त्या दिवशी फ्लॅटवर या महिलेने त्याच्याशी जवळीक साधण्यास सुरुवात केली आणि काही वेळातच तीन पुरुष पोलिस असल्याचा बतावणी करत खोलीत घुसले. त्यांनी त्या व्यक्तीवर देह व्यापाराचा आरोप अटक केली जाण्याची धमकी दिली आणि हे प्रकरण मिटवण्यासाठी 2 लाख रुपयांची लाच मागितली.

हेही वाचा: जम्मू-काश्मीर: बुरखाधारी व्यक्तीचा CRPF कॅम्पवर हल्ला; पेट्रोल बॉम्ब टाकून पसार

त्याचक्षणी त्यांनी त्याच्याकडून 45,000 रुपये रोख घेतले आणि त्याला एटीएममधून 25,000 रुपये काढायला लावले. उर्वरित पैसे दोन दिवसांत देण्याची धमकी देऊन त्यांनी त्याला जाऊ दिलं. या साऱ्या प्रकारातून सुटका झालेल्या त्या व्यक्तीने त्यानंतर पोलिसांकडे धाव घेतली.

त्यानंतर उर्वरित रक्कम देण्याच्या बहाण्याने खऱ्या पोलिसांच्या मदतीने या फसवणूक झालेल्या व्यक्तीने काशिमीरामधील एका हॉटेलबाहेर सापळा रचला. हे आरोपी त्या ठिकाणी उर्वरित रक्कम घेण्यासाठी आले. त्यातील दोन जण हॉटेलमध्ये आले आणि त्यांनी पैसे स्विकारल्यानंतर पोलिस अधिकाऱ्यांनी धाव घेत त्यांना रेड हँड पकडले. त्यांनी इतर आरोपींनाही लागलीच पकडले. भाईंदरमधील आदर्श इंदिरा नगर येथील सुदर्शन खंदारे (३२), विरार (पूर्व) येथील रहिवासी विजय पाटील (५६) आणि भाईंदर (पूर्व) येथील रहिवासी अयुब खान (४५) अशी आरोपींची नावे आहेत. पोलिसांनी या प्रकरणातील महिला आरोपीचे नाव सांगितले नाही.

Web Title: Mumbai Woman Lures Man Into Sex Trap To Extort Money Four Arrested

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Mumbai NewsNavi Mumbai