Murder For Gutkha: गुटख्यासाठी पैसे दिले नाहीत म्हणून १७ वर्षांच्या मुलाचा खून!

मुंबई : महाराष्ट्रात गुटखाबंदी लागू आहे. पण तरीही सर्रास सर्वच पान टपऱ्यांवर पान मसाल्याच्या स्वरुपात गुटखा मिळतो. काळ्या बाजारात वाढीव किंमतीत हे पदार्थ मिळत असल्याचं पुन्हा एकदा सिद्ध झालं आहे. कारण गुटख्यासाठी पैसे दिले नाहीत म्हणून एका १७ वर्षीय मुलाचा खून करण्यात आल्याचा धक्कादायक प्रकार मुंबईत घडला आहे. (Murder For Gutkha 17 year old boy was killed for not paying for Gutkha in Mulund)

सुत्रांच्या माहितीनुसार, मुलुंड पश्चिम इथं गुटखा खाण्यास पैसे दिले नाहीत म्हणून वाद झाल्यानं त्यातून एका १७ वर्षीय मुलाचा खून करण्यात आला. हुसेन ताज हुसैन खान (वय १७) असं या मृत्यू झालेल्या मुलाचं नाव आहे. याप्रकरणी एकूण ३ आरोपींना पोलिसांनी अटक केली आहे.