तळोजा येथील गोदामातून पनवेलच्या दिशेने जाणाऱ्या भरधाव ट्रकने रस्त्याने पायी चालत जाणाऱ्या पादचाऱ्याला धडक दिली. या अपघातात तरुणाचा मृत्यू झाल्याची घटना शनिवारी (ता. १४) सायंकाळी धानसर टोलनाक्याजवळ घडली. .तळोजा पोलिसांनी ट्रकचालकाविरोधात गुन्हा दाखल करून त्याला ताब्यात घेतले आहे. या अपघातातील ट्रकचालक अर्जुन ब्रिजलाल (३२) हा शनिवारी सायंकाळी साडेसहा वाजण्याच्या सुमारास तळोजा येथील किरवली गावाजवळ असलेल्या रेशम सिंग यांच्या गोदामामधून ट्रक घेऊन पनवेलच्या दिशेने जात होता. .दरम्यान, ट्रकचालक अर्जुन गोदामातून पनवेलकडे जाणाऱ्या बाजूला वळण घेत असताना, त्या रस्त्यावरून पायी चालत जाणाऱ्या लवकुश बाबू राम (४३) याला ट्रकची धडक लागली. यात लवकुश गंभीर जखमी झाल्याने त्याला पनवेलमधील रुग्णालयात दाखल करण्यात आले; मात्र त्यापूर्वीच त्याचा मृत्यू झाला. या अपघातानंतर तळोजा पोलिसांनी ट्रकचालकाला ताब्यात घेतले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
