नवी मुंबई प्रशासनाची डोकेदुखी ठरतीये वाढती कोरोनाबाधितांची संख्या, आज दिवसभरात तब्बल...

वाशी : नवी मुंबईतील करोनाबाधितांची संख्या दिवसेंदिवस वाढत आहे. सोमवारी (ता.6) नवी मुंबईत नवीन 164 कोरोना रुग्णांची भर पडली आहे. त्यामुळे नवी मुंबईतील कोरोनाबांधितांचा आकडा 7 हजार 957 इतका झाला आहे. परिणामी, नवी मुंबई प्रशासनाची डोकेदुखी वाढली आहे. त्यामुळे पालिका प्रशासनाने कंन्टेन्मेंट झोनमध्ये पुन्हा लॉकडाऊन घोषित केला आहे. 

नक्की वाचा : आमचाही बँक बॅलन्स आता झिरोवर, हॉटेल मालकांसह कर्मचाऱ्यांची हृदयद्रावक व्यथा 

नवी मुंबईतील उपचार घेऊन घरी गेलेल्या रुग्णांची एका दिवसातील संख्या 153 इतकी आहे. आतापर्यंत शहरातील 4 हजार 586 रुग्ण बरे झाले आहेत. तर 3 हजार 119 रुग्णांवर विविध रुग्णालयात उपचार सुरु आहेत. करोनामुळे सोमवारी 8 जणांचा मृत्यू झाला असून एकूण मृतांचा आकडा 252  वर पोहोचला आहे. 

हे ही वाचा : पॅसेजमध्येच रुग्णांना ऑक्सिजन; डोंबिवलीच्या शास्त्रीनगर रुग्णालयातील धक्कादायक प्रकार...

नवी मुंबईत आत्तापर्यत 22 हजार 533 कोव्हीड रुग्णांची चाचणी करण्यात आली आहे. वाढत्या रुग्णांच्या संख्येसमोर चाचणीचे प्रमाण कमी आहे. कोरोना रुग्णाची संख्येत वाढ होत असल्यामुळे व सरकारच्या नियमानूसार रुग्णालयाची संख्या कमी असल्यामुळे संशय नसणाऱ्या व्यक्तींना क्वारंटाईन करण्यात येत आहे.

Navi Mumbai administration head aches are increasing because of corona