नवी मुंबई, खारघर : बेलापूर ते पेंधर मेट्रो रेल्वेचे रखडलेले काम सिडको महा-मेट्रोला देणार असून या कामाचा करार आज ( मंगळवार, ता. 23) होणार आहे. या करारानुसार डिसेंबरला पेंधर ते सेंट्रल पार्क दरम्यान धावणार असून डिसेंबर 2022 अखेरपर्यंत बेलापूर ते पेंधर मेट्रो रुळावर धावेल अशा पद्धतीने सिडकोने नियोजन केल्याचे सिडको अधिकाऱ्यांनी सकाळला सांगितले.
बेलापूर, पेंधर मेट्रो सुरू होण्याच्या चार वेळा तारखा जाहीर करूनही आतापर्यंत न धावणारी सिडकोची नवी मुंबई मेट्रो येत्या डिसेंबरमध्ये धावणार आहे. सहा वर्षे रखडलेले या सेवेचे काम संथगतीने सुरू असल्याने सिडकोने सर्व कंत्राटदारांना हटवून त्या जागी महा-मेट्रोला हे काम दिले आहे. या कामाचा लेखी करार मंगळवारी होणार आहे.
बेलापूर ते पेंधर या अकरा किलोमीटर मार्गातील स्थापत्य कामेही नव्वद टक्के पूर्ण झाली आहेत. मात्र, विद्युत, माहिती तंत्रज्ञान आणि तांत्रिक कामे अद्याप शिल्लक आहेत. मेट्रो रेलमध्ये सर्वात महत्त्वाची डक्‍ट लाइन टाकण्याचे काम असून सिडकोने शीव पनवेल मार्गावरील उड्डाणपूल देखील या डक्‍टने जोडला आहे. त्यामुळे तांत्रिक आणि विद्युत कामांचे आव्हान आता शिल्लक आहे. सिडकोने हे काम आता 'महा मेट्रो'ला देण्याचा निर्णय घेतला आहे. महामेट्रोने नागपूर व पुण्यातील मेट्रो मार्गाना चांगली गती दिली आहे.
येत्या डिसेंबर महिन्यात पहिल्या टप्प्यात पेंधर ते सेंट्रल पार्क दरम्यान सुरू करण्यात येणार असून दुसऱ्या टप्प्यात डिसेंबर 2022 पर्यंत बेलापूर पेंधर मेट्रो मार्ग सुरू करण्यात येणार असल्याचे सिडको अधिकाऱ्यांनी सांगितले.
navi mumbai metro will come on track by decemver 2022 work will be handed over to maha metro
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.