Navi Mumbai: नवी मुंबई क्षेत्रातील ऐरोली व बेलापूर विधानसभा निवडणुकीचा प्रचार चांगलाच तापू लागला आहे. ऐरोली व बेलापूर या दोन जागांसाठी जवळपास ३२ उमेदवार रिंगणात राहिले असून, यातील बेलापूरमध्ये सात; तर ऐरोलीमध्ये पाच अपक्ष उमेदवारांनी निवडणुकांमध्ये ट्विस्ट आणल्याचे चित्र आहे.
ऐरोली व बेलापूर मतदारसंघांमध्ये अपक्षांमुळे ‘लढा, नडा, पाडा’ या समीकरणातून थेट निवडणूक जिंकणारा ‘सांगली पॅटर्न’ पाहायला मिळणार का, याची उत्कंठा मतदारांना लागून राहिली आहे.
