'राष्ट्रवादी कि जडें...' अटकेनंतर नवाब मलिकांचा करारा जवाब

ED raided on Nawab Malik House : अल्पसंख्याक मंत्री आणि राष्ट्रवादीचे प्रवक्ते नवाब मलिक यांना सलग आठ तासांच्या चौकशीनंतर अखेर अटक करण्यात आली. मलिक यांच्या घरावर सक्तवसुली संचलनालयाने छापे टाकले. त्यानंतर कोर्टात युक्तीवाद झाला. यावेळी त्यांनी ३ मार्पर्यंत ईडीची कोठडी देण्यात आली आहे. (Nawab Malik ED Enquiry News)

मलिक यांच्या कुटुंबीयांचे अंडरवर्ल्डशी संबंध असल्याची पडताळणी ईडीकडून सुरू आहे. छोटा शकील आणि हसीना पारकर जिवंत असताना त्यांच्या निगडीत काही व्यवहार झाले होते. यासंदर्भात ईडीकडून चौकशी सुरू आहे.

दरम्यान नवाब मलिक यांची प्रकृती खालवल्याने त्यांना जे.जे. रुग्णालयात जास्त वेळ ठेवण्यात आलं होतं. यानंतर मलिकांनी ट्वीट करत अभिनेता मनोज बाजपेयीचा व्हिडीओ शेअर केला आहे. (Nawab Malik Arrested by ED)

मलिकांची वैद्यकीय चाचणी केल्यानंतर त्यांना तासाभरात पुन्हा ईडीच्या कोठडीत नेणं अपेक्षित होतं. मात्र, चार तास झाल्यानंतरही त्यांच्या उर्वरित चाचण्या सुरू होत्या. रुग्णालयात त्यांच्या उर्वरित चाचण्या सुरू असून उपचारही पार पडत असल्याची माहिती सूत्रांनी दिली. यासंदर्भात ईपीआर जवळच्या पोलीस ठाण्यात नोंदवण्यात आलाय.

यापूर्वीच न्यायालयाने नवाब मलिक यांना ईडीच्या कोठडीत घरचे जेवण मिळण्याची परवानगी दिली होती. तसेच औषधे उपलब्ध करुन देण्यासही परवानगी दिली होती. आता ३ मार्चपर्यंत मलिकांना ईडीच्या कोठडीत दिवस काढावे लागणार आहेत.