आक्षेपार्ह वक्तव्यामुळे मुस्लिमांमध्ये संताप; रोहा पोलिस ठाण्यात गुन्हा दाखल

आक्षेपार्ह वक्तव्यामुळे मुस्लिमांमध्ये संताप; रोहा पोलिस ठाण्यात गुन्हा दाखल
Updated on

अलिबाग : मोहम्मद पैगंबर यांच्याविरोधात समाजमाध्यमांवर आक्षेपार्ह विधान केल्याने मुस्लिमांध्ये तीव्र संतापाची लाट पसरली आहे. त्यामुळे त्यांनी रोहा पोलिस ठाण्यात या समाजकंटकाविरोधात कायदेशीर कारवाई करून त्याला अटक करण्यासाठी पत्र दिले आहे. 

चणेरा विभागातील सुडकोली येथील एका व्यक्तीने ही आक्षेपार्ह पोस्ट केली आहे. त्यामुळे अनेक मुस्लिमांनी बुधवारी रात्री रोहा पोलिस ठाणे गाठले. या वेळी त्यांनी आरोपीविरोधात गुन्हा दाखल करून तातडीने अटक करण्याची मागणी केली. पोलिसांनी संतप्त जमावाला शांत करत आरोपीवर कायदेशीर कारवाई करण्यात येईल, असे आश्वासन दिले. त्यानंतर शुक्रवारी सकाळी रोहा जामे मशिदीचे अध्यक्ष जाफर येरुणकर यांच्या नेतृत्वाखाली रोहा वरचा मोहल्ला अध्यक्ष अलीम मुमेरे, आहले हदीस जमात अध्यक्ष मौलाना मसरूल आलम, अष्टमी अध्यक्ष बाकर साष्टीकर, नगरसेवक अहमद दर्जी, जुबेर चोगले, रियाज शेटे, अ. कादिर रोगे, मजिद पठाण या शिष्टमंडळाने पोलिस अधिकाऱ्यांची भेट घेतली.

सुडकोली मुस्लिम जमात, चांडगाव जमात, कोकबन, न्हावे, नागोठणे येथील समाजातील प्रमुख मंडळींनी आरोपीवर कायदेशीर कारवाई करून त्याला अटक करण्याची मागणी केली. या वेळी खैरे खुर्द समाज अध्यक्ष अब्बास मुकादम, उपाध्यक्ष जाकीर खोत, सचिव अ. हमीद गीते आदी उपस्थित होते. याबाबत पोलिसांनी सांगितले की, आरोपीला ताब्यात घेऊन त्याच्याविरोधात पोलिसांत गुन्हा दाखल केला. 

Outrage among Muslims over offensive statements Filed a case at Roha police station

-------------------------------------------
( संपादन - तुषार सोनवणे )

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com