मोबाइलचा फ्लॅश अंगावर पडला, कुर्ल्यात कोयत्याने वार करुन हत्या

मुंबई: सिगारेट पिताना एका तरुणाच्या मोबाइलची फ्लॅश (Mobile flash) पडल्याच्या कारणावरून झालेल्या वादातून (dispute) एकाची हत्या (Murder) झाल्याची घटना कुर्ला (kurla) नेहरूनगर परिसरात घडली आहे. माऊट एव्हहेस्ट सोसायटी, श्रमजिवी परिसरात ही घटना घडली आहे.

ओम विदयासागर खंडागळे आणि वैभव नावाची मुलं सिगारेट ओढत होती. त्यावेळी रोहित व आकश राखपसरे हे तिथून जात असताना, त्यांच्या मोबाइलचा फ्लॅश ओम आणि वैभववर पडली.

यावरून ओम खंडागळे आणि वैभव यानी दोघा भावांना बोलवून रोहित-आकाशशी वाद घातला. यावेळी आरोपीसोबत असलेल्या मित्रांनी रोहित राखपसरे याच्यावर कोयत्याने वार केले. जखमी अवस्थेत असलेल्या रोहितला राजावाडी रुग्णालयात नेले. उपचारा दरम्यान रोहितचा मृत्यू झाल्याचे डॉक्टरांनी पोलिसांना सांगितले.