नवी मुंबई : ऑक्सिजन आणि पाणी पळवणारे महाचोर ; गणेश नाईक

शिवसेना व राष्ट्रवादीवर गणेश नाईकांचे अप्रत्यक्षरित्या टीकास्त्र
crime
crimesakal

नवी मुंबई : शहरातील नागरीकांना तहानलेले सोडून त्यांच्या हक्काचे पाणी गुपचुप पळवणे आणि ऑक्सिजन चोरून (Oxygen and water Thief)घेऊन जाणारे महाचोर आहेत, अशा शब्दांत माजी मंत्री आणि भाजपचे आमदार गणेश नाईक यांनी शिवसेना (Shiv Sena)आणि राष्ट्रवादीच्या नेत्यांवर घणाघाती टीका केली. एमआयडीसीतील भूखंड लाटण्याचा प्रयत्न केला, तर रस्त्यावर उतरून आंदोलन करु, भले जेलमध्ये जावे लागले तरी चालेल असा खरमरीत इशारा नाईकांनी सत्ताधाऱ्यांना दिला.

crime
ओमिक्रॉनचा भारतात एक बळी,जगात किती? आरोग्य मंत्रालयानं केलं स्पष्ट

ऐरोलीतील महापालिकेच्या रुग्णालयातील ऑक्सिजन प्लांटच्या (Oxygen plant)उद्घाटनानिमित्ताने आयोजित कार्यक्रमांत नाईकांनी नाव न घेता शिवसेना आणि राष्ट्रवादीतील मंत्र्यांवर तोफ डागली. मी जर ठरवले, तर आरपारची लढाई करायची माझी क्षमता आहे, पण दुसऱ्याचा अवमान, अपमान व्हावा दुसऱ्याला दुखावले जाऊ नये म्हणून बोललो नाही, असा निर्वाणीचा इशारा देत नाईकांनी भाषणाला सुरुवात केली. या शहराचे पाणी चोरण्याचा प्रयत्न केला गेला. दिघा, ऐरोली एमआयडीसीतील भागातील लोकांना तहाणलेले ठेवून ते पाणी दुसऱ्यांना गुपचुप देण्याचा प्रयत्न केल्याचा आरोप नाईकांनी केला. एखाद्या घरातून वस्तू चोरी करतात तसे, रबाळे एमआयडीसीत ऑक्सिजनची निर्मिती होत असताना दुसऱ्या कोविडच्या लाटेत ऑक्सिजन चोरण्याचा प्रकार झाला, अशा चोरणाऱ्यांना महाचोर बोलतात. असा पुनरुच्चार नाईकांनी केला. बोलताना नाईकांनी सांगितले की, आपल्याला कधी दुसऱ्याला अपमानीत करायला आवडत नाही. पण आमच्या समोर नवी मुंबईच्या जनतेची कोणी वाट लावत असेल अशा वेळेस गप्प बसलो, तर येणारा काळ आम्हाला माफ करणार नाही.(Mumbai News)

crime
कोरोना 20 मिनिटांनंतर होतो 90% ने कमी संसर्गजन्य; संशोधनातून आलं समोर

भले तर आंदोलन करु.

एमआयडीसीने अलिकडे भूखंड विकायला काढले आहे. राज्याने चार एफएसआय मंजूर केले आहे. भविष्यात जेव्हा शहराची वाढ होईल तेव्हा काय करणार? काही ठिकाणी जमिनीखालून फायबर ऑप्टीकल केबल, पाण्याच्या लाईन गेल्या आहेत. अशा जागांवर काही लोकांनी हॉटेल उभारण्याचा घाट घातला असल्याचा आरोप आमदार गणेश नाईक यांनी केला. एमआयडीसीच्या भूखंडांवर नजर ठेवा, नाही तर हे महाचोर पुन्हा हे भूखंड लाटण्याची संधी सोडणार नाही. त्याकरीता वृक्षा रोपण करा, असे आवाहान नाईकांनी कार्यकर्त्यांना केले. तसेच पुन्हा असे वागल्यास रस्त्यावर उतरून आंदोलन करु, वेळ पडल्यास जेलमध्ये जाऊ पण असा अन्याय सहन करणार नाही. असा दमवजा इशारा नाईकांनी सत्ताधाऱ्यांना दिला.(Mumbai Crime News)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com