"परमबीर सिंह यांच्यावरील खंडणीच्या गुन्ह्यात अजामीनपात्र वॉरंट जारी करा" | Parambir singh | Sakal
sakal

बोलून बातमी शोधा

parambir-singh

"परमबीर सिंह यांच्यावरील खंडणीच्या गुन्ह्यात अजामीनपात्र वॉरंट जारी करा"

मुंबई : माजी पोलीस आयुक्त परमबीर सिंह (Parambir singh) यांच्या विरोधात मरीन ड्राईव्ह पोलीस (Marine drive police) ठाण्यात दाखल असलेल्या खंडणीच्या गुन्हात (extortion case) सिंह यांच्यावर अजामीनपात्र वॉरंट (nonbailable warrant) जारी करावे, अशी मागणी करणारा अर्ज मुंबई पोलिसांनी (Mumbai police) आज केला.

हेही वाचा: डोंबिवली बलात्कार प्रकरण; 'तो' आरोपी अद्यापही फरार

यापूर्वी अन्य दोन प्रकरणात ठाणे आणि मुंबई न्यायालयाने सिंह यांच्या विरोधात अजामीनपात्र वॉरंट जारी केले आहे. अतिरिक्त महानगर दंडाधिकारी बुधवारी मुंबई पोलिसांच्या अर्जावर सुनावणी घेण्याची शक्यता आहे. सिंह यांच्यावर आतापर्यंत पाच गुन्हे दाखल झाले आहेत. मार्चमध्ये त्यांना आयुक्त पदावरून होम गार्ड महासंचालक नियुक्त करण्यात आले आहे.

मात्र त्यांच्या वरील आरोपांमुळे पोलिसांची प्रतिमा मलिन झाली आहे, असे प्रमुख सरकारी वकील शेखर जगताप यांनी न्यायालयात सांगितले. दरम्यान, सिंह यांचे सहकारी संजय पुनामिया यांनी जामिनाची अट पूर्ण केली नाही म्हणून न्यायालयाने त्यांना नोटीस बजावली आहे. तपास अधिकार्यांकडे हजेरी लावण्याची अट त्यांनी पूर्ण केली नाही असे जगताप यांनी सांगितले. पुनामिया यांना तीन प्रकरणात जामीन आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :crime update
loading image
go to top