मोठी बातमी! यावर्षी 'अशी' असणार बाप्पाची मूर्ती..परळ सार्वजनिक गणेशोत्सव मंडळाचा मोठा निर्णय

मुंबई: मुंबईच्या गणेशोत्सवाची शान म्हणजे मोठ मोठ्या गणेश मूर्ती. या वर्षी गणेशोत्सवावर कोरोनाचे सावाट आहे. यामध्ये गणेशोत्सव साधेपणाने साजारा करण्याचा निर्णय मुंबईतील सार्वजनिक गणेशोत्सव मंडळांनी घेतला. यामध्ये गणेश मूर्तीची उंची कमी करण्याबाबत मंडळांमध्ये चर्चा सुरू आहे. त्याबाबत आता परळच्या सार्वजनिक गणेशोत्सव मंडळानं मोठा निर्णय घेतला आहे.

 परळ विभाग सार्वजनिक गणेशोत्सव मंडळ परळ राजाने या वर्षी तीन फूटाची गणेश मूर्तीची प्रतिष्ठापना करण्याचा ऐतिहासिक निर्णय घेतला. गणेश मूर्तीची उंची कमी करण्याचा निर्णय घेणारे ते पहिले सार्वजनिक गणेशोत्सव मंडळ ठरले. तसेच खेतवाडी 6 वी गल्ली गणेशोत्सव मंडळाचाही या वर्षी गणेश मूर्तीची उंची कमी करणाचा निर्णय विचारधीन आहे. 

हेही वाचा: मृतदेह अदलाबदल प्रकरण! हलगर्जी करणाऱ्या डॉक्टरांना आयुक्तांचा दणका

परळच्या राजाची मूर्ती दरवर्षी 23 फूटाची असते. गणेशोत्सवादरम्यान परळ विभागाला जत्रेचे स्वरुप आलेले असते. लाखो भाविक दररोज संध्याकाळी या परिसरातील सार्वजनिक गणेशोत्सव मंडळांतील गणरायाचे दर्शन येतात. कोरोनाचे संकट लक्षात घेता अनेक वर्षाच्या परंपरेला छेद देत सामाजिक अंतर राखण्यासाठी , गर्दीची संभाव्यता टाळण्यासाठी गणेश मूर्तीची कमी करण्याचा निर्णय घेतला आहे, असे मंडळाकडून सांगण्यात आले. 

तसेच परळच्या राजाची विसर्जनाची मिरवणूक निघणार नसून गणेश मूर्तीचे विसर्जन कृत्रिम तलाव तयार करून त्यामध्ये करण्यात येईल. त्याप्रमाणे विभागातील परळच्या राजाची वर्गणी देखील न घेण्याचा निर्णय मंडळाने शनिवारी रात्री झालेल्या बैठकीमध्ये घेण्यात आला. बृहन्मुंबई सार्वजनिक गणेशोत्सव समन्वय समितीने परळ विभाग सार्वजनिक गणेशोत्सव मंडळाने  उत्तम निर्णय घेतला असून या निर्णयाचे स्वागत केले आहे. 

हेही वाचा: कोरोनाशी लढताना नोकरीच्या शेवटच्या दिवशी त्यांनी घेतला अखेरचा श्वास; ठाणे महापालिकेतील कर्मचाऱ्याच्या निधनामुळे हळहळ

गेल्या आठवड्या वडाळ जीएसबी गणेशोत्सव मंडळाने कोरोनाच्या संकटामुळे सामाजिक अंतर राखण्यासाठी भाद्रपदातील गणेश चतुर्थी ऐवजी माघ महिन्यातील गणेश चतुर्थीला गणेशोत्सव साजारा करण्याचा निर्णय घेताला. छोट्या चाळीतले व बिल्डिंग मधील सार्वजनिक गणेशोत्सव मंडळ गणेशमूर्ती छोट्या व दीड दिवसाचा गणपती बसवण्याचा निर्णयाच्या विचारधीन आहेत. मुंबईतल्या मोठ्या सार्वजनिक गणेशोत्सव मंडळांच्या जून महिन्यात  मंडळाच्या कार्यकारिणीची बैठकी होणार आहेत. त्यावेळी प्रत्येक मंडळ गणेशोत्सवाबाबत निर्णय जाहीर करण्याची शक्यता आहे.

parel ganesh idol will be of 3 feets read full story