भीषण ! ना मास्क, ना ग्लोव्ज; इथं नागरिकांना लॉकडाऊन संपलाय असं वाटतंय बहुदा

मुंबई -  कोरोना विषाणूंचा वाढता प्रादुर्भाव रोखण्यासाठी देशभरात 14 एप्रिलपर्यंत लाॅकडाऊन जाहीर करण्यात आला आहे. परंतु बोरिवली पश्चिमेकडील अनधिकृत फेरीवाल्यांनी मात्र नेहमीप्रमाणे विना फेरीवाला क्षेत्रातील  पदपथावर मोठ्या प्रमाणात भाजीपाला विक्री सुरू ठेऊन नियम धाब्यावर बसवले आहेत.

धक्कादायक बाब म्हणजे याठिकाणी लगतच बोरिवली पोलिस स्टेशन तर मागच्या रस्त्यावर आर/मध्य विभाग पालिका कार्यालय आहे. या ठिकाणी असलेल्या फेरीवाल्यांमुळे  परिसरात वाहतूक कोंडी होत असते. लॉकडाऊनच्या काळातही सकाळी याठिकाणी भाजी घेण्यासाठी येणाऱ्या नागरिकांची मोठी गर्दी होते. त्यात बोरिवली दहिसर परिसरातील अनेकजण सकाळच्या वेळेस भाजी घेण्यासाठी येत असल्याचे धक्कादायक प्रकार समोर आला आहे. 

खूप महत्त्वाचं: कोरोना लॉकडाऊनमुळे सुधारतोय 'ओझोन'चा थर, शास्त्रज्ञ म्हणतायत...

विशेष म्हणजे या ठिकाणी असलेले फेरीवाले भाजी विकताना मास्क, ग्लोव्ज न लावता बिनधास्त वावरत असल्याचे दिसून आलं. त्यामुळे या फेरीवाल्यांकडून लाॅकडाऊनची ऐशी की तैशी झाल्याचे चित्र सध्या या परिसरांत दिसून येत आहे. यांची पालिका आर/मध्य विभाग आणि बोरिवली पोलिसांनी वेळीच खबरदारी घ्यावी, अन्यथा कोरोनासारख्या संसर्गजन्य रोगांची लागण होण्याचा शक्यता नाकारता येवू शकत नाही. 

दरम्यान पालिकेने गर्दी टाळण्यासाठी दहिसर ते मालाड पर्यंत भाजीविक्रेताना दहिसर जकात नाका येथे जागा उपलब्ध करून दिली आहे तरीही याठिकाणी हा सावळा गोंधळ सुरू असल्याचे दिसून येते. पालिकेचे काही अधिकारी अर्थपूर्ण व्यवहार करीत यांना पाठीशी घालत असल्याचा आरोप केला जात आहे.

Corona Case Study: मुंबईत NRI नागरिक राहतोय भिकाऱ्यांच्या रिलीफ कॅम्पमध्ये...

बोरिवली पश्चिमेकडील न्यायालयालगत असलेल्या रस्त्यांवर भाजी विक्रेत्यांनी हा सर्व खेळ मांडला आहे. पालिकेची अतिक्रमण विभागाची गाडी राजमहाल हॉटेल जवळ उभी असतांनासुध्दा त्यांच्याकडून या भाजी विक्री करणाऱ्या फेरीवाल्यांवर कुठलीही कारवाई केली जात नाही. यामुळे याठिकाणी लाॅक डाऊन असूनही मोठ्या प्रमाणात भाजी विक्रेत्यांची गर्दी होत आहे.

people in borivali roming like lockdown period is over and corona has gone