पालिकेची बस पाहताच घराला लाॅक लावून नागरिकांनी ठोकली धूम, वाचा नेमके काय घडले

विक्रोळी परिसरात घरांना लावलेले लाॅक.
विक्रोळी परिसरात घरांना लावलेले लाॅक.

घाटकोपर (बातमीदार) : कोरोनाबाधितांची संख्या सध्या मोठ्या संख्येने वाढत असल्यामुळे बाधितांच्या संपर्कात आलेल्या नागरिकांना क्वारंटाईन करण्याचे प्रमाणही वाढले आहे. क्वारंटाईनसाठी घेऊन जाण्यासाठी आलेले पालिकेचे कर्मचारी व क्वारंटाईन बसला पाहून नागरिक आता घाबरून पळताना दिसत आहे. असाच काहीसा प्रकार विक्रोळीतील टागोरनगर परिसरातही घडला आहे.

विक्रोळीतील कन्नमवार नगर व टागोरनगर परिसरात कोरोना बाधित रुग्णांची संख्या 100 च्या वर गेली असून कोरोनामुळे मृत्यू झालेल्यांचा आकडा देखील दिवसेंदिवस वाढताना दिसत आहे. त्यातच आता 24 तासात 17 नवे कोरोनाबाधित रुग्ण कन्नमवार नगर व टागोरनगरमध्ये आढळून आले आहे. त्यापैकी टागोरनगर ग्रुप नंबर 1 व अशोक नगर परिसरातील कोरोना बाधितांच्या संपर्कात आलेल्या नागरिकांनी क्वारंटाईन करण्यासाठी आलेले पालिकेचे कर्मचारी व क्वारटाईन बस पाहून आपल्या घराला टाळे लावून पळ काढल्याचे दिसून आले. त्यामुळे आता कोरोनाचा संसर्ग हा कन्नमवार नगर व टागोरनगर परिसरात कोरोना बाधितांची संख्या ही आजून मोठ्या प्रमात वाढू शकते असे स्थानिक नगरसेवक उपेंद्र सावंत यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com