समीर वानखेडेंवर आरोप थांबवण्यासाठी हायकोर्टात याचिका

मुंबई: राष्ट्रवादी काँग्रेसचे नेते आणि प्रवक्ते नवाब मलिक (nawab malik) यांनी सध्या NCBचे अधिकारी समीर वानखेडे (sameer wankhede) यांच्याविरोधात जोरदार मोर्चा उघडला आहे. नवाब मलिक दररोज पत्रकार परिषदा घेऊन समीर वानखेडे यांच्याबाबत नवनवीन गौप्यस्फोट करत आहेत.

समीर वानखेडे हे हिंदू नसून मुस्लिम असल्याचा आरोप नवाब मलिक यांनी केला आहे. समीर वानखेडे यांनी काही बनावट कारवाया केल्या, असाही त्यांचा आरोप आहे. समीर वानखेडे यांच्या पहिल्या विवाहाचे काही फोटो सुद्धा जाहीर केले होते. समीर वानखेडे यांचा आधी निकाह झाला होता. ते स्वत: समीर वानखेडे यांनी सुद्धा मान्य केले आहे.

समीर वानखेडे यांच्यावर व्यक्तीगत स्वरुपाचे हल्ले सुरु आहेत. त्यांचे कुटुंबीयही आपली बाजू मांडत आहेत. आता नवाब मलिकांकडून समीर वानखेडेंवर होणारे आरोप थांबवण्यासाठी मुंबईतील एक मौलाना, जाफर अली सय्यद यांनी हायकोर्टात (high court) याचिका दाखल केली आहे. पण हायकोर्टाने तातडीनं सुनावणी घेण्यास नकार दिला आहे.