सलग चौथ्या दिवशीही मुंबईत इंधनाची दरवाढ; पेट्रोल 24 तर डिझेल 32 पैशांनी वाढले

मुंबई : राज्यात पेट्रोलची दरवाढ (Petrol rate) नित्याने होत असताना आता पुन्हा चार दिवसापासून इंधनाच्या दरात वाढ झाली आहे. आधीच कोरोना महामारीने (corona) सर्वसामान्य आर्थिक अडचणीत (financial crisis) असताना इंधन दरवाढीमुळे सर्वसामान्यांपुढे संकट निर्माण झालं आहे मुंबईत रविवारी पेट्रोल 24 तर डिझेल 32 पैशाने वाढल्याने (petrol-diesel rate increases) कधी नव्हे एवढा इंधनाच्या दरात उच्चांक दिसून आला आहे. इंधनाची दरवाढ अशीच सुरू राहिल्यास पेट्रोल पाठोपाठ डिझेल ही शंभरीच्या मार्गावर शंभरी पार करण्याच्या मार्गावर दिसून येत आहे.

गुरुवार पासून मुंबईत नियमित इंधन दरवाढ सुरू आहे. गेल्या चार दिवसात पेट्रोल 96 पैशाने वाढले आहे. 1.28 रुपयांची वाढ झाली आहे. त्यामुळे रविवारी मुंबईत पेट्रोल 108.43 तर डिझेल 98.48 रुपये प्रति लिटर दराची नोंद झाली आहे. तर राज्यभरात सध्या पेट्रोल चे दर 109 रुपये प्रति लिटर असून नांदेड, परभणी या जिल्ह्यांमध्ये 110 रुपये प्रति लिटर पेट्रोलचे दर पोहचले आहे. डिझेल दर सुमारे 98 रुपयांपेक्षा जास्त असून, सततच्या दरवाढीमुळे डिझेलही 100 रुपयांवर पोहचण्याची शक्यता आहे.