नवी मुंबई : चित्रपट निर्मात्याला ५० लाखांचा गंडा; अपहाराचा गुन्हा दाखल

नवी मुंबई : मराठी वाहिनीकडून मालिका निर्मितीचे काम मिळाल्याचे खोटे कागदपत्रे दाखवून एका फिल्म निर्मात्‍याकडून (Film producer) ५० लाख रुपये उकळणाऱ्या (fifty lac money fraud) संतोष एकनाथ राऊतविरोधात खारघर पोलिसांनी (kharghar Police) फसवणुकीसह अपहाराचा गुन्हा दाखल केला आहे. खारघरमध्ये राहणारे अरविंद घेवडे (Arvind ghevade) मालिका व चित्रपटांचे निर्माते आहेत. ते मराठी, हिंदी मालिकांमध्ये भूमिकाही करतात. काही वर्षापूर्वी घेवडे यांची नीलेश शिवडे या कलाकाराच्या माध्यमातून संतोष एकनाथ राऊत याच्याशी ओळख झाली.

नीलेशने राऊतला एका मराठी वाहिनीकडून मालिका निर्मितीचे काम मिळाल्‍याचे व त्‍यासाठी पैशांची गरज असल्‍याचे सांगितले. घेवडेने त्‍याला पैसे देण्याची तयारी दर्शवून मार्च २०२१ मध्ये राऊतच्या बँक खात्यात आरटीजीएसद्वारे ५० लाख पाठवले. मात्र त्‍यानंतरही मालिकेचे काम सुरू न झाल्‍याने विचारणा केली असता, उडवाउडवीची उत्तरे दिली.

घेवडे यांनी पैसे परत मागितले असता टाळाटाळ करून मोबाईलही बंद केला. अखेर फसवणूक झाल्‍याचे लक्षात येताच घेवडे यांनी खारघर पोलिस ठाण्यात तक्रार दाखल केली. त्यानुसार पोलिसांनी संतोष राऊत याच्या विरोधात गुन्हा दाखल केला आहे.