शिवरायांचे नाव घेऊन सत्तेवर आले आणि नरेंद्र मोदींना शिवराय समजू लागले; सचिन सावंतांची टीका

मुंबई - भाजपने अनेकवेळा छत्रपती शिवाजी महाराजांचा अपमान केला आहे,. महाराजांचे नाव फक्त राजकीय स्वार्थासाठी वापरणाऱ्या भाजपला महाराजांची कन्या आणि पत्नी यांच्यातील फरकही समजला नाही. सकवारबाई महाराजांच्या कन्या होत्या तसेच त्यांच्या एका पत्नीचे नावही सकवारबाई होते. परंतु भाजपच्या विकृत लोकांनी महाराजांची कन्या आणि महाराजांची पत्नी यांचे नाव वेगळे असल्याचे सांगून बुद्धीभेद करण्याचा प्रयत्न केला. अशी घणाघाती टीका कॉंग्रेस प्रवक्ते सचिन सावंत यांनी केली.  

शिवजयंतीच्या निमित्ताने महाराजांची जातीभेदविरोधी भूमिका ट्विटरच्या माध्यमांतून मांडत असताना, महाराजांच्या कन्या सकवारबाई यांच्या जीवनातील एक उदाहरण दिले. त्यात वाल्हे गावातील महार समाजातील लोकांना सकवारबाई यांनी भोसले हे नाव दिले होते.

३. शिवरायांच्या कन्या सकवारबाई उर्फ सखू सासरी जात असताना शत्रू सैन्याने हल्ला केला. त्यावेळी त्यांना वाचवणाऱ्या वाल्हे गावच्या महार समाजातील मंडळींना त्यांनी भोसले हे नाव दिले. गावकुसाबाहेर राहणाऱ्या महार, मांग, घोर, चांभार व रामोशी यांना शिवरायांनी मानाचे स्थान दिले.

— Sachin Sawant सचिन सावंत (@sachin_inc) February 18, 2021

या ट्विटवर भाजपने आपली विकृत बुद्धी दाखवत सकराबाई हे महाराजांच्या पत्नीचे नाव असल्याचे म्हटले. तसेच भाजपच्या बड्या नेत्यांनीही ते ट्विट रिट्विट केले.

महाराणी सकवारबाई या शिवरायांच्या पत्नी व सखुबाई या कन्या ! मात्र सकवारबाईंना शिवरायांच्या कन्या लिहून काँग्रेसचे प्रवक्ते @sachin_inc यांनी अकलेचे तारे तोडले. काँग्रेसने स्वतःच्या खोट्या इतिहासाचे दाखले जरुर द्यावेत, मात्र शिवरायांच्या इतिहासात असे प्रकार खपवून घेतले जाणार नाही. pic.twitter.com/TDYAZ430Cb

— भाजपा महाराष्ट्र (@BJP4Maharashtra) February 19, 2021

मी त्यांचा हा दावा ऐतिहासिक पुराव्यानिशी खोडून काढला. प्रख्यात इतिहास संशोधक डॉ. आ. ह. साळुंके यांचे ‘छत्रपती शिवाजी महाराज यांचा दुसरा राज्याभिषेक’ या पुस्तकात महाराजांची कन्या सकवारबाई व पत्नी सकवारबाई यांचा उल्लेख करण्यात आलेला असून त्यामध्ये शिवापूरयादी तसेच तंजावरच्या शिलालेखात महाराजांची कन्या सकवारबाईंच्या जन्माचा उल्लेख आहे, असे म्हणत यासंदर्भात प्रख्यात इतिहास संशोधक गजानन भास्कर मेहेंदळे यांच्या शिवाजी: हिज लाइफ अँड टाइम्स या पुस्तकाचा दाखला दिला आहे. असे सचिन सावंत यांनी म्हटले आहे.

भाजपाचा तोंड फोडणारा पुरावा हा पहा! सकवारबाई या महाराजांच्या कन्या होत्या व एका पत्नीचे नाव ही तेच होते. भाजपाने शिवरायांचा अवमान केला. माझी बदनामी केली. ‌अकलेचे तारे तोडल्याबद्दल @BJP4Maharashtra ने तात्काळ माफी मागावी. शिवरायांच्या इतिहासात असे प्रकार खपवून घेतले जाणार नाहीत https://t.co/Nlh6YFZAa2 pic.twitter.com/sEUgG1ah3I

— Sachin Sawant सचिन सावंत (@sachin_inc) February 22, 2021

शिवरायांचे नाव घेऊन सत्तेवर आले आणि नरेंद्र मोदींना शिवराय समजू लागले यापेक्षा अधिक पातक ते काय? भाजप शिवरायांच्या इतिहासाचे विकृतीकरण करणाऱ्या व त्यांचा इतिहास संपवणाऱ्या व्यक्तिंना आदर्श माननारा पक्ष आहे. अशी सडकून टीका सावंत यांनी आज केली.

-----------------------------------------------------

political marathi news Criticism of Sachin Sawant on shivaji maharaj history politics updates live