Pratap Sarnaik: वाहतुकदारांच्या प्रश्नाबाबत शासन सकारात्मक पण..., संपाबाबत परिवहन मंत्री काय म्हणाले?

मुंबई : वाहतुकदारांच्या समस्या सोडविण्यासाठी प्रतिनिधी व शासकीय अधिकारी यांच्या संयुक्त समितीचा अहवाल एका महिन्यात प्राप्त होणार आहे. स्कूल बस वाहतुकदारांनी संप मागे घेतला आहे. इतर विविध वाहतूक संघटनांना देखील स्वतंत्रपणे चर्चेसाठी वेळ देता येईल. उपोषण व संप करू नये, असे आवाहन परिवहन मंत्री प्रताप सरनाईक यांनी केले. विधानमंडळ समिती कक्षामध्ये परिवहन मंत्री सरनाईक यांच्या अध्यक्षतेखाली बैठक झाली. यावेळी गृह( शहरे) राज्यमंत्री योगेश कदम, गृह विभागाचे अपर मुख्य सचिव इक्बालसिंग चहल, परिवहन आयुक्त विवेक भिमनवार, उपस्थित होते.