मुंबई, ता. 9 : सुमारे 175 कोटी रुपयांच्या मनी लॉण्डरिंग प्रकरणात आमदार प्रताप सरनाईक यांना आज सर्वोच्च न्यायालयाकडून मोठा दिलासा मिळाला आहे. ईडीने त्यांच्यासह तिघांच्या विरोधात कठोर कारवाई करु नये, असे आदेश न्यायालयाने दिले आहेत. उद्या सरनाईक ईडी कार्यालयात हजेरी लावणार आहेत.
टॉप्स सिक्युरिटी संबंधित कथित गैरव्यवहारामध्ये सरनाईक, त्यांचा मुलगा विहंग आणि योगेश चंदेला यांनी न्यायालयात याचिका केली आहे. सरनाईक यांना ईडीने समन्स बजावले असून गुरुवारी त्यांची चौकशी होणार आहे. चौकशीच्या एक दिवस आधीच त्यांनी न्यायालयात याचिका दाखल केली.
उद्याच्या चौकशीचे व्हिडीओ आणि ऑडियो रेकॉर्डिंग करावे, चौकशी करताना त्यांचे वकिलही हजर असतील या मागण्या केल्या आहेत. तसेच तिघांविरोधात ईडीने कोणतीही कठोर कारवाई करु नये, अशी मागणी केली होती. न्यायालयाने याबाबत ईडीला निर्देश दिले असून कठोर कारवाई करण्यास मनाई केली आहे.
टॉप्सच्या माजी कर्मचाऱ्याने एमआरडीए संबंधित एका कंत्राटामध्ये आर्थिक गैरव्यवहार झाल्याचा आरोप केला आहे. ईडीने अमित चंडोले आणि माजी व्यवस्थापक एम शशीधरन यांना अटक केली आहे. सरनाईक यांना तीनवेळा तर विहंग यांना पाचवेळा समन्स बजावले आहे. त्यांच्या कार्यालयावरही ईडीने छापे टाकले आहेत. चंडोले हे सरनाईक यांचे निकटवर्तीय मानले जातात.
परराज्यात गेल्यामुळे त्यांनी स्वतःला क्वारंटाईन करुन घेतले होते. सुमारे 175 कोटी रुपयांचा गैरव्यवहार मनी लॉन्डरिंगमार्फत झाल्याचा दावा ईडीने केला आहे.
pratap sarnauk and vihang sarnaik to attaind ED enquiry on thursday
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.