मनोरंजन क्षेत्राला उद्योगाचा दर्जा देण्याबाबतचा प्रस्ताव तातडीने सादर करावा - अमित देशमुख

मनोरंजन क्षेत्राला उद्योगाचा दर्जा देण्याबाबतचा प्रस्ताव तातडीने सादर करावा - अमित देशमुख

मुंबई : महाराष्ट्र चित्रपट, रंगभूमी आणि सांस्कृतिक विकास महामंडळाची 43 वी सर्वसाधारण सभा सांस्कृतिक कार्य मंत्री अमित देशमुख यांच्या अध्यक्षतेखाली पार पडली. यामध्ये अमित देशमुख यांनी राज्याच्या मनोरंजन क्षेत्राबाबत धोरण ठरवणे महत्त्वाचे असल्याचं म्हंटल आहे. 

महाराष्ट्रात केवळ हिंदी किंवा मराठी नव्हे तर विविध भाषांमधील चित्रपट, टीव्ही सिरियल्स, माहितीपट तसेच जाहिरातींची निर्मिती मोठ्या प्रमाणात होते. यामार्फत मनोरंजन क्षेत्रात मोठ्या प्रमाणात नागरिक कार्यरत आहेत. मनोरंजन क्षेत्रामुळे मोठ्या प्रमाणात रोजगार निर्माण होत आहे. हे विचारात घेऊनच या क्षेत्रासाठी निश्चित धोरण तयार करावं आणि या क्षेत्राला उद्योगाचा दर्जा देण्याबाबतचा प्रस्ताव तातडीने सादर करावा, असे आदेश सांस्कृतिक कार्य मंत्री अमित देशमुख यांनी  दिले. 

मनोरंजन क्षेत्रामधून राज्याच्या अर्थव्यवस्थेला मदत होते. दरम्यान या क्षेत्रात वाढ होण्यास अजूनही  वाव बाकी आहे. म्हणूनच पुढील काळात चित्रपट निर्मात्यांना मुंबईबरोबरच राज्यातील इतर चित्रिकरण स्थळांकडे आर्कर्षित करण्यासाठी प्रयत्न केले जाणार आहेत.

महाराष्ट्र चित्रपट, रंगभूमी आणि सांस्कृतिक विकास महामंडळामार्फत तीन दिवस आयोजित करण्यात आलेल्या वेबिनारमध्ये चर्चिले गेलेल्या बाबींचाही मनोरंजन क्षेत्रासाठीचे सर्वंकष धोरण ठरविताना समावेश करण्यात यावा.

सोबतच महामंडळाने गेल्या 15 वर्षाची लाभांश देण्याची परंपरा कायम ठेवली असून अनेक सार्वजनिक उपक्रमांपैकी नफ्यात असलेल्या काही मोजक्या महामंडळापैकी चित्रनगरी हे एक महामंडळ आहे. यापुढील काळातदेखील ही परंपरा अशीच सुरु राहील. येणाऱ्या काळात महामंडळ केवळ आर्थिक पातळीवरच नाही तर धोरणात्मक पातळीवरही महत्वाची कामगिरी करेल असा विश्वास यावेळी सांस्कृतिक कार्य मंत्री अमित देशमुख यांनी यावेळी व्यक्त केला.

( संपादन - सुमित बागुल )

proposal to give industry status to the entertainment sector should be submitted immediately

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com