मालवणी परिसरातील दलित बांधवांना सुरक्षा प्रदान करा; भाजप आमदाराची मागणी

मुंबई - मुंबई महानगरपालिकेच्या निवडणूकांच्या पार्श्वभूमीवर सर्वच पक्षांनी कंबर कसली आहे. भारतीय जनता पक्षानेही मुंबईच्या समस्यांकडे लक्ष केंद्रीत केले आहे. मुंबई भाजपचे अध्यक्ष मंगलप्रभात लोढा यांनी मालवणी मलाडमधील अनुसूचित समाजावर होत असलेल्या अन्यायावर बोट ठेवले आहे. यासंदर्भात त्यांनी ट्विट केले आहे.

मुंबई परिसरातील बातम्यांचा आढावा घेण्यासाठी येथे क्लिक करा

महानगरपालिका क्षेत्रातील विविध समस्यांवर भारतीय जनता पक्ष आक्रमक पणे भूमिका घेत आहे. मुंबई भाजपचे अध्यक्ष मंगलप्रभात लोढा ( Mangalprabhat lodha ) यांनी आज मलाड परिसरातील अनुसूचित समाजाच्या अन्यायाबाबत ट्विट केले. आणि त्यांना न्याय मिळण्याची मागणीही केली. त्यांनी ट्विट करीत म्हटले आहे की, ' मुंबईतील मालवणीमध्ये दलित बांधवांवर अन्याय होत आहे. आज त्यांच्याशी याविषयावर चर्चा केली. काश्मीरमध्ये हिंदू अंल्पसंख्याक झाल्यावर जो त्रास १९९०साली त्यांना झाला. तसाच त्रास मालवणीतील बांधवांना होत आहे. या परिसरात अवैध बांधकाम, अंमली पदार्थांची तस्करी, या समस्यांनी गंभीर स्वरूप घेतले आहे. या सगळ्यांचा त्रास दलित बांधवांना होत आहे. त्यांच्यात दहशत निर्माण करण्याचा प्रयत्न केला जात आहे. स्थानिक प्रशासन आणि पोलिसांनी दलित बांधवांना सुरक्षा प्रदान करावी '. लोढा यांच्या ट्विटनंतर तरी या परिसरातील बांधवांना सुरक्षा मिळेल का हे पाहणं महत्वाचं ठरणार आहे.

— Mangal Prabhat Lodha (@MPLodha) January 3, 2021

 -----------------------------------------------