'सोयीनुसार आणि सुपारीनुसार...' पुण्यात राज ठाकरेंच्या विरोधात बॅनरबाजी

पुण्यात नेहमी पोस्टरबाजी पाहायला मिळते. सध्या राज ठाकरे यांनी राज्यात भोंग्यांचा मुद्दा उचलून पुन्हा एकदा ध्रुवीकरणाला जन्म घातल्याचं चित्र आहे. मनसेच्या या अजेंड्यावर राज्यातील अनेकांनी आरोप केले. काहींनी त्यांना समर्थनही दर्शवलं. मात्र पुण्यात सध्या बॅनर्सची चर्चा रंगली आहे. (Raj Thackeray News)

या बॅनर्समध्ये राज ठाकरे यांनी स्वत:च काढलेले व्यंगचित्र दाखवण्यात आले असून अशी वेळ कोणावरही येऊ नये, असं म्हणण्यात आलंय. हे बॅनर्स कोणी लावले याबद्दल अद्याप स्पष्टता नाही. (Banners in Pune)

उद्धव ठाकरेंच्या अयोध्या दौऱ्याला विरोध करणाऱ्या राज ठाकरे यांनाच त्या दौऱ्यावर जाण्याची वेळ आली आहे. सोयीनुसार आणि सुपारीनुसार पोकळ हिंदुत्व, असं या फ्लेक्सवर लिहिण्यात आलं आहे.

• पुणेकरांनी लावले राज ठाकरे यांनी त्यांच्याच रेखाटलेल्या व्यंगचित्राची आठवण करुन देणारे फ्लेक्स

• शहरातील अलका टॉकीज चौकात बॅनर लाऊन ठाकरेंचे कान टाचले

• गुडलक चौक आणि कोथरुडच्या करिष्मा चौका निनावी होर्डिंग्ज दिसून आले