डोंबिवली - गुरुवारी सकाळपासूनच कल्याण डोंबिवली मध्ये पावसाने हजेरी लावली आहे. दुपार नंतर पावसाचा जोर वाढताच कल्याण डोंबिवली शहरातील अनेक सखल भागात पाणी साचून रस्ते जलमय झाल्याचे पहायला मिळाले. डोंबिवली स्टेशन परिसर, एमआयडीसी परिसर, कल्याण मधील छत्रपती शिवाजी महाराज चौक परिसरातील रस्त्यावर गुडघाभर पाणी साचल्याने जनजीवन विस्कळीत झाले. वाहतुकीचा ही पाण्यामुळे खोळंबा झाला.
कल्याण डोंबिवली शहरात सकाळ पासून पावसाला सुरवात झाली होती. शाळांना सुट्टी जाहीर केलेली असल्याने रस्त्यावर वर्दळ तशी कमीच जाणवत होती. पाऊस मध्ये मध्ये विश्रांती घेत असल्याने संथगतीने शहरातील व्यवहार सुरू होते. दुपार नंतर मात्र पावसाचा जोर वाढला आणि अनेक सखल भागात पाणी सचण्यास सुरवात झाली.
पावसामुळे कल्याण पश्चिमेकडे छत्रपती शिवाजी महाराज चौक, डॉ बाबासाहेब आंबेडकर रोड परिसरात फुटभर पाणी रस्त्यांवर साचल्याचे पाहायला मिळाले. या पाण्यातून मार्ग काढताना वाहनचालकांना,नागरिकांना तारेवरची कसरत करावी लागत होती.
डोंबिवली स्टेशन परिसरात देखील गुडघाभर पाणी साचले. स्टेशन जवळील दुकानांमध्ये पाणी शिरल्याने दुकानदारांची तारांबळ उडाली. अनेक दुकानदारांनी आपली दुकाने बंद केली. बाजारात खरेदी करण्यासाठी आलेल्या नागरिकांना पाण्यातून वाट काढताना कसरत करावी लागली.
एमआयडीसी परिसरात देखील रस्त्यावर पाणी साचले. निवासी परिसरात पूरसदृश्य परिस्थिती निर्माण झाली होती. एम्स हॉस्पिटल रोड, वंदेमातरम् उद्यान मिलापनगर, सर्व्हिस रोड, कावेरी चौक, चार बिल्डिंग इत्यादी ठिकाणी पाणी भरले.
पावसाच्या साचलेल्या पाण्यामुळे रस्ते आणि त्यावरील खड्ड्यांचा अंदाज येत नसल्याने वाहने संथ गतीने सुरू होती. यामुळे वाहन कोंडीची समस्या देखील निर्माण झाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.