esakal | मुंबईकरांनो पावसासंदर्भात अत्यंत महत्त्वाची बातमी, कारण मुंबईत झालीये सकाळपासून पावसाची दमदार एन्ट्री...
sakal

बोलून बातमी शोधा

मुंबईकरांनो पावसासंदर्भात अत्यंत महत्त्वाची बातमी, कारण मुंबईत झालीये सकाळपासून पावसाची दमदार एन्ट्री...

आज पुन्हा सकाळपासून मुंबई आणि उपनगरात मुसळधार पावसाला सुरुवात झाली आहे. घाटकोपर, कुर्ला, अंधेरी भागात जोरदार पाऊस सुरु आहे

मुंबईकरांनो पावसासंदर्भात अत्यंत महत्त्वाची बातमी, कारण मुंबईत झालीये सकाळपासून पावसाची दमदार एन्ट्री...

sakal_logo
By
सकाळवृत्तसेवा

मुंबई- निसर्ग चक्रीवादळ बुधवारी कोकण किनारपट्टीवर धडकलं. या वादळामुळे बरंच नुकसान झालं. कोकण किनारपट्टीहून हे चक्रीवादळ मुंबईत येऊन धडकणार होतं. मात्र मुंबईत पोहोचण्याआधी वादळानं दिशा बदलली आणि त्याचा वेगही मंदावला. त्यामुळे मुंबईवरील मोठं संकट टळलं. या चक्रीवादळाच्या पार्श्वभूमीवर मुंबईसह ठाण्यात बुधवारपासून पावसानं वेग धरला.

आज पुन्हा सकाळपासून मुंबई आणि उपनगरात मुसळधार पावसाला सुरुवात झाली आहे. घाटकोपर, कुर्ला, अंधेरी भागात जोरदार पाऊस सुरु आहे. ठाणे शहरातही जोरदार पावसाला सुरुवात झाली आहे. मुंबईत जोरदार वाऱ्यासह मुसळधार पावसानं हजेरी लावली आहे.

मोठी बातमी - ...नाहीतर BKC मधील कोविड क्वारंटाईन सेंटरमध्ये 'निसर्ग'मुळे माजला असता हाहा:कार !

मुंबई, ठाणे, पालघर आणि रायगड जिल्ह्यांच्या काही भागात पुढच्या तीन तासांत मुसळधार पाऊस होण्याची शक्यता वर्तवण्यात आली आहे. आज सकाळपासून मुंबईसह उपनगरात ढगाळ वातावरण होतं. नवी मुंबई, पनवेल भागातही पाऊस पडण्यास सुरुवात झाली आहे.

दरम्यान आज मुंबईसह, ठाणे, उपनगर, कोकण, नाशिक, उत्तर महाराष्ट्रासह विदर्भात वादळी वाऱ्यासह मुसळधार पावसाचा इशारा हवामान विभागाकडून देण्यात आला आहे. वसई-विरारमध्येही पावसानं सकाळपासून दमदार हजेरी लावली.

मोठी बातमी वादळाच्या तडाख्यातून मुंबई वाचल्यानंतर मुख्यमंत्र्यांनी व्यक्त केल्या भावना, मुख्यमंत्री उद्धव ठाकरे म्हणतात....

वसईत बुधवारपासून पावसामुळे वीज पुरवठा खंडीत करण्यात आला आहे. दरम्यान बुधवारी कोकण किनारपट्टीवर वादळ धडकल्यानं रत्नागिरी, रायगड, मुंबई, ठाण्यासह अनेक ठिकाणी याचा फटका बसला.

rains slashes mumbai after nisarga cyclone read important news about mumbai rains

loading image