प्रतिकुल परिस्थितही रेल्वे श्रमिकांच्या सेवेसाठी सज्ज! वाचा सविस्तर बातमी

मुंबई ः निसर्ग वादळाचा मुंबई तसेच परिसराला तडाखा बसणार असल्यानंतरही श्रमिक स्पेशल सुरु ठेवण्याचा निर्णय रेल्वे प्रशासनाने घेतला आहे. मध्य, पश्चिम रेल्वेबरोबरच कोकण रेल्वेवरील नियंत्रण कक्षांना अतीदक्षतेचा इशारा देण्यात आला आहे. 

लोकहो पावसाळा आलाय, जाणून घ्या कुठल्या पाण्यात किती वेळ राहतो कोरोना विषाणू...

स्थलांतरीत कामगारांसाठी मुंबईतून श्रमिक स्पेशल बुधवारी तसेच गुरुवारी रवाना होणार असल्याचे रेल्वे आधिकाऱ्यांनी सांगितले. त्यासाठी रेल्वे सुरक्षा दलास रेल्वे स्थानक परिसरात तैनात राहण्याच्या सूचना देण्यात आल्या आहेत. हे सुरक्षा दल प्लॅटफॉर्म तसेच स्थानकातील पादचारी पूलांवर तैनात असेल. त्याचबरोबर रेल्वे ट्रॅकवर पाणी साचल्यास त्याची परिस्थिती पाहण्यासाठी रेल्वेच्या आपत्ती व्यवस्थापन विभागातील कर्मचारी तैनात असतील.

कार चालकांनो इकडे लक्ष द्या! मुंबई पालिकेनं दिली 'ही' अत्यंत महत्त्वाची सूचना

रेल्वेच्या नियंत्रण कक्षास सातत्याने वेधशाळेकडून माहिती मिळणार आहे. त्यानुसार परिस्थितीचा आढावा घेण्यात येणार आहे. ट्रॅकचे पेट्रोलिंगही सुरु असेल त्याचबरोबर रेल्वेचे इंजिनिअर्सही प्रतिकुल परिस्थितीस सामोरे जाण्यास तयार आहेत, असे रेल्वेच्या आधिकाऱ्यांनी सांगितले. 
जोरदार पाऊस सुरु असताना रेल्वेचे आधिकारी विविध रेल्वे स्थानकांवर तैनात असतील. ते प्लॅटफयर्मवरील परिस्थितीचा तसेच प्रवाशांवर लक्ष ठेवतील. ट्रॅकवर पाणी साचल्यास त्यावेळच्या परिस्थितीनुसार श्रमिक स्पेशलबाबत निर्णय घेण्यात येईल. मात्र त्याबाबत अंतिम निर्णय घेण्यापूर्वी वेधशाळेकडून माहिती घेण्यात येईल. 

चक्रीवादळामुळे मुंबईहून सुटणाऱ्या रेल्वे-विमानांच्या वेळापत्रकात बदल

मध्य रेल्वेने कुर्ला, शीव, वांद्रे, चुनाभट्टी, मस्जिद बंदर या ठिकाणी विशेष पथके तैनात केली आहेत. या ठिकाणी पाणी साचण्याचा जास्त धोका असतो. त्याचा रेल्वे वाहतूकीवर प्रतिकुल परिणाम होतो. अम्फान चक्रीवादळ पश्चिम बंगालला धडकले होते, त्यावेळी रेल्वेने त्या परिसरातील वाहतूक पूर्ण रोखली होती, पण मुंबईबाबत परिस्थितीनुसारच निर्णय होणार आहे