मुंबई : कोरोनाचा धोका अजूनही कायम असल्याने राज्य सरकारने गर्भवती तसेच व्याधीग्रस्त अधिकारी, कर्मचाऱ्यांना दिलासा दिला आहे. वैद्यकीय प्रमाणपत्र सादर केल्यानंतर या कर्मचाऱ्यांना कार्यालयात उपस्थित राहण्यापासून सुट देण्याचा निर्णय सरकारने घेतला आहे. या मागणीसाठी एसटी महामंडळातील महिला कर्मचाऱ्यांना लढा उभारला होता. त्यामूळे गर्भवती कर्मचाऱ्यांना मोठा दिलासा मिळाला आहे.
शासकीय कार्यालयांमध्ये कोरोनाचा प्रादुर्भाव होऊ नये तसेच, राज्यातील अधिकारी, कर्मचाऱ्यांना विषाणूची लागण होऊ नये, यासाठी सरकार विविध प्रतिबंधात्मक उपाययोजना राबवत आहे. त्यात कार्यालयातील उपस्थिती रोटेशन पद्धतीने करण्याच्या सुचना देण्यात आल्या आहेत. तसेच, कोरोनामुळे गर्भवती आणि व्याधीग्रस्त अधिकारी संसर्गास सहजपणे बळी पडण्याची शक्यता आहे. त्यामूळे ज्या कार्यालयात रोटेशन पद्धतीने हजेरी होत असेल तेथे गर्भवती आणि व्याधीग्रस्त कर्मचाऱ्यांना त्याबाबत प्रमाणपत्र दाखवल्यानंर कर्तव्यातून सुट देण्यात येणार आहे.
केंद्र शासनाच्या 19 मे च्या कार्यालयीन आदेशात सर्व मंत्रालयीन तसेच मंत्रालयाच्या नियंत्रणाखालील विभाग, कार्यालयांमधील गर्भवती तसेच व्याधीग्रस्त कर्मचाऱ्यांना कार्यालयात उपस्थित राहण्यापासून सुट देण्याच्या सुचना करण्यात आल्या होत्या. त्यानुसार राज्य सरकारने हा सकारत्मक निर्णय घेतला आहे.
-----------------
या कर्मचाऱ्यांना मिळणार लाभ
राज्य सरकारने घेतलेल्या निर्णयानूसार गर्भवती, अवयव प्रत्यारोपण केलेले, केमो थेरपी, इग्युनोसप्रेसिव्ह थेरपी घेत असलेले कर्मचारी कार्यालयात उपस्थित राहण्यापासून सुट मिळण्यास पात्र राहणार आहेत.
---------------
संपर्कात राहावे लागेल
ज्या कर्मचाऱ्यांना कर्तव्यातून सुट मिळाली आहे. त्यांनी कार्यायात त्यांच्याकडे असलेल्या महत्त्वाच्या व तातडीच्या शासकीय कामकाजाचा निपटारा होण्याच्या दृष्टीने त्यांचे मोबाईल क्रमांक, ईमेल आयडी कार्यालयास उपलब्ध करून द्यावेत व दिलेल्या मोबाईल क्रमांकावर उपलब्ध राहावे, अशा सुचना करण्यात आल्या आहेत.
-------------------
धक्कादायक ! शुल्लक कारणावरुन नालासोपाऱ्यात अंध व्यक्तीची हत्या; गुन्हेगार अटकेत
महामंडळांनासुद्धा आदेश
एसटी महामंडळातील राज्य एसटी कामगार संघंटनेच्या महिला पदाधिकाऱ्यांनी गर्भवती कर्मचाऱ्यांना कोरोनाच्या काळात सुट देण्यासाठी लढा दिला होता. त्यांनी मुख्यमंत्री उद्धव ठाकरे यांना अनेक निवेदने दिली होती. त्यानूसार अखेर राज्य सरकारने हा निर्णय घेतल्याने आता, एसटी महिला कर्मचाऱ्यांनासुद्धा दिलासा मिळणार असून, राज्य सरकारच्या अंतर्गत असलेल्या अशा सर्वच महामंडळांना हा निर्णय लागू राहणार आहे.
-----------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.