सत्ता निरंकुश न होण्यासाठी माध्यमांनी सजग असावे

मुंबई - राज्य सरकारतर्फे विविध पत्रकारिता पुरस्कारांचे वितरण मुख्यमंत्री देवेंद्र फडणवीस यांच्या हस्ते करण्यात आले. या वेळी नानासाहेब परुळेकर पुरस्कार मुख्यमंत्र्यांच्या हस्ते स्वीकारताना ज्ञानेश्‍वर बिजले आणि प्रमोद बोडके.
मुंबई - राज्य सरकारतर्फे विविध पत्रकारिता पुरस्कारांचे वितरण मुख्यमंत्री देवेंद्र फडणवीस यांच्या हस्ते करण्यात आले. या वेळी नानासाहेब परुळेकर पुरस्कार मुख्यमंत्र्यांच्या हस्ते स्वीकारताना ज्ञानेश्‍वर बिजले आणि प्रमोद बोडके.
Updated on

मुंबई - सत्ता निरंकुश होऊ न देण्यासाठी माध्यमांनी सजग असले पाहिजे, ही भूमिका त्यांनी जबाबदारीने पार पाडावी, असे आवाहन मुख्यमंत्री देवेंद्र फडणवीस यांनी आज येथे केले. मुख्यमंत्री फडणवीस यांच्या हस्ते आज येथे विविध पत्रकारिता पुरस्कारांचे वितरण करण्यात आले, त्या वेळी ते बोलत होते. राष्ट्रीय स्तरावर पत्रकारिता क्षेत्रात योगदान देणाऱ्या महाराष्ट्रीय पत्रकारास यंदापासून अटलबिहारी वाजपेयी पत्रकारिता पुरस्कार दिला जाईल, अशी घोषणा मुख्यमंत्री फडणवीस यांनी या वेळी केली. 

या कार्यक्रमात २०१७ आणि २०१८ साठीचा लोकमान्य टिळक जीवनगौरव पत्रकारिता पुरस्कार अनुक्रमे ज्येष्ठ पत्रकार रमेश पतंगे आणि ज्येष्ठ पत्रकार पंढरीनाथ सावंत यांना मुख्यमंत्र्यांनी प्रदान केला. प्रत्येकी १ लाख रुपये रोख आणि सन्मानचिन्ह असे पुरस्काराचे स्वरूप आहे. मुख्यमंत्री फडणवीस म्हणाले, की शासकीय व्यवस्था शेवटच्या माणसापर्यंत पोहोचविणे, सर्वसामान्यांचा आवाज शासनापर्यंत पोहोचविणे यासोबतच समाजप्रबोधनाच्या कार्यात माध्यमांनी मोठे योगदान दिले आहे. पण आता माध्यमांचा संक्रमणकाळ सुरू आहे. मुद्रित माध्यमांपासून सुरू झालेला त्यांचा प्रवास आता इलेक्‍ट्रॉनिक आणि डिजिटल माध्यमांपर्यंत झाला आहे. या संक्रमणावस्थेतही माध्यमांनी आपली मूल्ये कायम जपली पाहिजेत. पुरस्काराचे मानकरी 

विविध पत्रकारिता पुरस्कार 
प्रत्येकी ५१ हजार रुपये रोख, मानचिन्ह आणि प्रशस्तिपत्र असे या पुरस्कारांचे स्वरूप आहे. 

वर्ष २०१६ चे पुरस्कार 
आचार्य अत्रे पुरस्कार, मुंबई विभाग - मारुती कंदले, प्रतिनिधी, दै. सकाळ-ॲग्रोवन, मुंबई नानासाहेब परुळेकर पुरस्कार, पुणे विभाग - ज्ञानेश्वर बिजले, दै. सकाळ, पुणे 

वर्ष २०१७ चे पुरस्कार 
बाळशास्त्री जांभेकर पुरस्कार (मराठी) (राज्यस्तर) - लुमाकांत नलवडे, बातमीदार, दै. सकाळ, कोल्हापूर, नानासाहेब परुळेकर पुरस्कार, पुणे विभाग - प्रमोद बोडके, बातमीदार, दै. सकाळ, सोलापूर, ग. गो. जाधव पुरस्कार, कोल्हापूर विभाग - अभिजित डाके, जिल्हा प्रतिनिधी, दै. सकाळ-ॲग्रोवन, सांगली. 

२०१८ चे पुरस्कार
पत्रकार सुधाकर डोईफोडे अग्रलेखन पुरस्कार -  यमाजी मालकर , बाळशास्त्री जांभेकर पुरस्कार (मराठी) (राज्यस्तर) - हरी रामकृष्ण तुगावकर, दै. सकाळ, लोकनायक बापूजी अणे पुरस्कार, अमरावती विभाग - गोपाल जगन्नाथराव हागे, दै. सकाळ-ॲग्रोवन.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com