मुंबई : फौजदारी स्वरूपाच्या न्यायालयीन अवमानाबाबत ज्येष्ठ वकील प्रशांत भूषण यांना सर्वोच्च न्यायालयाने दोषी ठरविण्याच्या निकालावर अनेक प्रतिक्रिया उमटत आहे. सर्वोच्च न्यायालयाने निर्णयाचा फेरविचार करावा याबाबत मुंबई उच्च न्यायालयातील सुमारे चाळीस वकिलांनी विनंती न्यायालयाला केली आहे.
न्यायसंस्था स्वतंत्रपणे आणि परस्पर पूरक विश्वास आणि सन्मानाने काम करत असते. वकील आणि न्यायाधीश यांच्यातील सौहार्दपूर्ण संबंध महत्त्वाचा असतो. यापैकी एखादा तोल विस्कळीत झाल्यास त्याचे परिणाम राष्ट्राला आणि संस्थेला सहन करावे लागतात. भूषण यांच्या निकालामुळे ही अस्वस्थता निर्माण झाली आहे. त्यामुळे न्यायालयाने कोरोनाचा प्रादुर्भाव संपल्यावर या प्रकरणासंबंधीत फेर आणि खुली सुनावणी विस्तारित खंडपीठापुढे घ्यावी, असे निवेदन सर्वोच्च न्यायालयाला दिले आहे. ज्येष्ठ विधीज्ज्ञ जनक द्वारकादास, मिहीर देसाई, दरायस खंबाटा आदींनी न्यायालयाला निवेदन केले आहे. निकालानंतर उमटलेल्या जनभावनेचा न्यायालय विचार करेल, अशी अपेक्षाही यामध्ये करण्यात आली आहे.
भूषण यांनी विद्यमान सरन्यायाधीश आणि अन्य चार न्यायाधीशांबाबत केलेल्या ट्विटमुळे न्यायालयाचा फौजदारी अवमान झाल्याचा ठपका त्यांच्यावर ठेवण्यात आला आहे. न्याय क्षेत्रातील अन्य काही ज्येष्ठ विधीज्ज्ञांनी याबाबत नाराजी व्यक्त केली आहे. काही ट्विटमुळे जनतेचा न्याय क्षेत्रातील विश्वास ढळत नाही आणि न्यायसंस्थेवर लोकांचा विश्वास अबाधित आहे, असे यामध्ये म्हटले आहे. न्याय क्षेत्रासह विविध क्षेत्रातील अनेक मान्यवरांनी एका पत्रकाद्वारे भूषण यांच्या निकालावर नाराजी व्यक्त केली आहे.
----------
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.