मुंबई : परिवहन विभागातील पदोन्नती (RTO promotions) आणि बदल्यांच्या (transfers) प्रकरणात परिवहन मंत्री अनिल परब (Anil parab) आणि त्यांच्या जवळचे नागपूर येथील उपप्रादेशिक परिवहन अधिकारी बजरंग खरमाटे (bajrang kharmate) यांची ईडीकडून (Enforcement Directorate) चौकशी केली जात आहे. त्यामुळे राज्यभरातील 8 उपप्रादेशिक परिवहन अधिकाऱ्यांच्या प्रादेशिक परिवहन अधिकारी म्हणून होणाऱ्या पदोन्नतीची प्रक्रिया रखडण्याची शक्यता आहे.
नुकताच ईडीने खरमाटे यांना समन्स पाठवला होता. त्यावरून खरमाटे आपल्या वकीलासह ईडीच्या कार्यालयात हजर झाल्याचे दिसून आले, त्यानंतरही खरमाटे यांची चौकशी काही काळ सुरू राहण्याची शक्यता आहे. ईडीच्या चौकशीपूर्वी परिवहन विभागातील बदल्याची प्रक्रिया सुरू होती. दरम्यान परिवहन विभागातील 8 पदावर उपप्रादेशिक परिवहन अधिकाऱ्यांची प्रादेशिक परिवहन अधिकारी म्हणून पदोन्नती होणार होती. त्यामध्ये बजरंग खरमाटे यांची सुद्धा पदोन्नती होणार होती. मात्र, परिवहन विभागातील भ्रष्टाचारासंदर्भातील जुन्या आरोपावरून खरमाटे यांना ईडीने चौकशीच्या घेऱ्यात घेतल्याने आता परिवहन विभागातील आरटीओ पदाच्या पदोन्नती रखडण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
