डोंबिवली : डोंबिवली स्टेशन परिसरात वाहतूकीचे नियम न पाळणारे आणि बेशिस्त रिक्षाचालक, खासगी बसेसवर कारवाई करण्यासाठी बुधवारी सायंकाळी आरटीओचे पथक इंदिरा चौकात आले होते. बसेसवर कारवाई केल्यानंतर रिक्षाचालकाकडे आरटीओ अधिकाऱ्यांनी आपला मोर्चा वळवला. .सुमारे तीस ते पस्तीस रिक्षाचालकांवर दंडात्मक कारवाई करण्यात आली. आरटीओ ने कारवाईचा बडगा उगारताच रिक्षाचालकांनी संताप व्यक्त करीत गोंधळ घालत आरटीओच्या गाड्यांना घेराव घातला होता. यामुळे काही काळ या परिसरात गोंधळाची स्थिती निर्माण झाली होती..कल्याण आरटीओ विभागाचे प्रमुख आशुतोष बारकुळ यांच्याकडे डोंबिवली शहरातील बेशिस्त रिक्षाचालकांबाबत तसेच खासगी बस चालक यांच्या विरोधात अनेक तक्रारी प्राप्त झाल्या होत्या. सदर तक्रारीची दखल घेऊन बारकूळ यांच्या आदेशानुसार आरटीओ विभागाचे अधिकारी बालाजी बोदरवाड आणि विजय नरवाडे यांच्या पथकाने बुधवारी सायंकाळी कारवाई केली..यावेळी रिक्षाचालकांनी कारवाईला तीव्र विरोध करून गोंधळ घातला होता. यानंतर आरटीओ अधिकाऱ्यांशी काही रिक्षा चालकांनी आपले म्हणणे मांडले व त्यांच्या गाड्या नंतर जाऊ देण्यात आल्या..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
