सचिन वाझे यांनी घेतली पोलिस आयुक्तांची भेट, उद्या बाजू मांडण्याची शक्यता

मुंबई: पोलिस अधिकारी सचिन वाझे यांनी दिवसभरात मुंबई पोलिस आयुक्त परमबीर सिंग यांची तीनदा भेट घेतली. मुंबई पोलिस मुख्यालयात ही भेट झाली. या भेटीदरम्यान सहपोलिस आयुक्त मिलिंद भांरभे हे देखील उपस्थित होते असे समजतेय. मनसुख हिरेन यांच्या संशयास्पद मृत्यू प्रकरणी विरोधी पक्षनेते देवेंद्र फडणवीस यांनी वाझे यांच्यावर गंभीर आरोप केले आहे.

तत्पूर्वी विधीमंडळ अधिवेशनाच्या शेवटच्या दिवशी वाझे यांची मुंबई गुन्हे अन्वेषण शाखेबाहेर बदली करण्याचा निर्णय सरकारने घोषित केला. मनसुख हिरेन यांच्या संशयास्पद हत्येप्रकरणी वाझे यांच्यावर कारवाई करण्याचा मुद्दा भाजपने गेल्या दोन दिवसांपासून लावून धरला होता. मनसुख हिरेन यांच्या पत्नीनेही वाझे याच्यावर गंभीर आरोप केले आहे.

मुंबई विभागातल्या ताज्या बातम्या वाचण्यासाठी येथे क्लिक करा.

दुपारी एकच्या दरम्यान पहिली भेट झाली. या भेटीनंतर माध्यंमापुढे वाझे यांनी गुरुवारी त्यांची बाजू मांडणार असल्याचे सांगितले होते. त्यानंतर दुपारी साडेचार आणि संध्याकाळी वाझे- आयुक्ताची भेट झाल्याचे वृत्त आहे.

हेही वाचा- कांजुरमार्गच्या जमिनीवरच मेट्रो कारशेड? मात्र सरकारकडून 'हा' बदल

मुकेश अंबानी यांच्या घरापुढे जिलेटीन भरलेली गाडी मनसुख हिरेन यांची होती. या घटनेनंतर अचानक हिरेन यांचा मृतदेह ठाण्याच्या खाडीत संशयास्पद अवस्थेत सापडला होता. सध्या या प्रकरणाचा तपास एनआयएने आपल्या ताब्यात घेतला आहे.

------------------------------

(संपादन- पूजा विचारे)

Sachin Waze meets Commissioner of Police will present his case tomorrow