एकाच दिवशी उपनगरातून तीन अजगर, सरडा, घोरपडाची सुटका; उपचारानंतर जंगलात सोडणार

वडाळा : मुंबई उपनगरातील भांडुप आणि मुलुंड येथून दोन  श्यामेलिऑन (रंग बदलणारा सरडा) तर, मिररोड व बोरीवलीतून घोरपड आणि तीन अजगर यांची बुधवारी (ता. 26) सुटका करण्यात आली. एसीएफ फाऊंडेशन आणि प्लांट एण्ड अ‍ॅनिमल वेलफेअर सोसायटीच्या स्वयंसेवकांनी याबाबत वनविभागाला माहिती देत या प्राण्यांना ठाण्यातील जंगलात सोडल्याची माहिती  वन्यजीव रक्षक आणि एसीएफ पॉज-मुंबईचे संस्थापक सुनीष सुब्रमण्यन यांनी दिली.

आम्हाला भाडं देणं शक्य नाही...मुंबईत व्यावसायिकाची पत्नीसह शॉवरला गळफास घेऊन आत्महत्या

मुलुंड येथे राहणारे पवन शुक्ला यांच्या घराच्या बाजूला रंग बदलणारा सरडा दिसून आला होता. तर, भांडुप येथील रहिवाशी रुपेश मिश्रा यांच्या घराच्या बाजूला झाडावर सरडा आढळला. त्याला काही कावळे टोचत होते. त्याची माहिती मिळताच निशा कुंजू आणि हितेश यादव या स्वयंसेवकांनी त्याठिकाणी पोहोचून दोन्ही सरड्यांची सुटका केली. तसेच बोरिवली येथून किरण लाड यांच्या घरातून घोरपड आणि मिररोड येथील मनीषा सावंत यांच्या घराच्या आवारातून तीन अजगरांची स्वयंसेवकांनी सुटका केली.

अभिनेत्री स्वरा भास्करने रिया चक्रवर्तीची दहशतवादी कसाबसोबत केली तुलना - 

एसीएफ पॉज-मुंबईचे स्वयंसेवक सिद्धेश ठावरे आणि अभिजीत सावंत यांनी या सर्व वन्यजीवांना वैद्यकीय तपासणीसाठी डॉ. मनीष पिंगळे आणि डॉ. राहुल मेश्राम यांच्याकडे नेले. यापैकी एका जखमी अजगराला पंधरा दिवसाच्या वैद्यकीय उपचारानंतर ठाण्यातील जंगलात सोडणार अल्याची माहिती स्वयंसेवकांनी दिली आहे.

----------------------------------------------

( संपादन - तुषार सोनवणे )