"काँग्रेसला मिटवण्याचा हा एक मोठा प्लॅन !" संजय निरुपम यांचं धक्कादायक ट्विट

मुंबई : सोनिया गांधी यांनी UPA अध्यक्षपदावर कायम राहण्यास अनिच्छा दर्शवली अशा बातम्या समोर आल्यात  त्यानंतर या जागेसाठी योग्य उमेदवार लवकरच मिळेल असंही त्या म्हणाल्या असल्याचं बोललं गेलं. त्यानंतर UPA अध्यक्षपदासाठी शरद पवारांचं नाव प्रामुख्याने पुढे येताना पाहायला मिळालं. मात्र स्वतः शरद पवार यांनी या बातमीचं खंडन केलं आणि 'UPA' च्या अध्यक्षपदाबाबत कोणतीही चर्चा नाही', मी यूपीएचा अध्यक्ष होणार या बातमीत तथ्य नाही' अशी प्रतिक्रिया स्वतः शरद पवारांनी दिली आहे.

दरम्यान, शरद पवारांना UPA चे अध्यक्ष बनवण्याची सुरु असलेली चर्चा ही राहुल गांधी यांच्याविरोधात पक्षांतर्गत सुरु असलेल्या राजकारणाचा भाग असल्याचा गंभीर आरोप संजय निरुपम यांनी केला आहे. हा काँग्रेसला संपवण्याचा मोठा डाव असल्याचा आरोप देखील संजय निरुपम यांनी आपल्या ट्विटमधून केलाय. 

महत्त्वाची बातमी : ठाकरे सरकार मराठी माणसाला मुंबईबाहेर हाकलणार, भाजपचा आरोप

दिल्ली से मुंबई तक राहुल गांधी के खिलाफ जो अभियान चल रहा है,उसी का हिस्सा है शरद पवार को यूपीए का चेअरमैन बनाने का शिगूफा।
उसी अभियान के तहत 23 हस्ताक्षर वाली चिट्ठी लिखी गई थी।
फिर राहुलजी के नेतृत्व में कनसिस्टेंसी की कमी ढूँढी गई है।
एक बड़ा प्लान है #कॉंग्रेस को ही मिटाने का।

— Sanjay Nirupam (@sanjaynirupam) December 11, 2020

मुंबई, नवी मुंबई, ठाणे , कल्याण डोंबिवली, मीरा भाईंदर, वसई विरारच्या बातम्या वाचण्यासाठी इथे क्लिक करा  ।  Marathi News From Mumbai

संजय निरुपम आपल्या ट्विटमध्ये म्हणालेत की, "दिल्ली ते मुंबईपर्यंत राहुल गांधी यांच्या विरोधात जे अभियान राबवलं जातं आहे, त्याचाच एक भाग म्हणजे शरद पवार यांना UPA चा अध्यक्ष बनवण्याच्या चर्चा. त्याच मोहिमेचा एक भाग म्हणजे २३ जणांच्या सह्यांचं पत्र देखील होतं. त्यानंतर राहुल गांधी यांच्या नेतृत्वात सातत्य नसल्याच्या चर्चा देखील झाल्यात. काँग्रेसला मिटवण्याचा हा एक मोठा प्लॅन आहे", असं संजय निरुपम यांनी आपल्या ट्विटमध्ये म्हटलंय. 

sanjay nirupam on sharad pawar as frontrunner as UPA president and conspiracy to finish congress