"CM साहेब, किती वेळा भीक मागायची"; तुतारी वादकाचा ऑन कॅमेरा आत्महत्येचा प्रयत्न

अनेकदा मुख्यमंत्र्यांशी संपर्क साधूनही त्यांनी आपली व्यथा मांडली होती.
trumpet player
trumpet player
Updated on

मुंबई : कलेचा आदर होत नसल्यानं निराश झालेल्या एका लोककलाकारानं आत्महत्येचा प्रयत्न केल्यानं खळबळ उडाली आहे. मुख्यमंत्री एकनाथ शिंदे यांची वारंवार भेट घेतल्यानंतरही आपला घराचा प्रश्न सुटत नसल्यानं त्यानं हे टोकाचं पाऊल उचलल्याचं सांगितलं जात आहे. साम टीव्हीला मुलाखत देत असताना ही घटना घडलीये. साम टीव्हीचे प्रतिनिधी आणि अन्य सहकाऱ्यांनी वेळीच त्याला रोखल्याने अनर्थ टळला. (Tutari player attempted suicide)

trumpet player
"माझ्यामुळं इतर लोकांना पुण्य मिळतंय"; एकनाथ शिंदेंचा खोचक टोला

हरिदास गुरव असं आत्महत्येचा प्रयत्न करणाऱ्या तुतारी वादकाचं नाव आहे. सन 1995पासून ते आपली कला सादर करत आहेत. मात्र आपल्या कलेची किंमत होत नाही, असं सांगत त्यांनी अंगावर पेट्रोल ओतून पेटवून घेण्याचा प्रयत्न केला. पण घटनास्थळी असलेल्या प्रतिनिधी आणि पोलिसांनी त्यांना अडवल्याने पुढील अनर्थ टळला.

का उचललं टोकाचं पाऊल?

तुतारी वादक हरिदास गुरव हे मुंबईतील घाटकोपर इथं राहतात. आपल्याला कालाकारांच्या कोट्यातून घर मिळावं यासाठी त्यांनी अनेकदा मुख्यमंत्री तसेच नेत्यांशी संपर्क साधला होता. मात्र, अद्यापही त्यांना स्वतःचं घर मिळू शकलं नाही. आपल्या कलेचा होत नाही अशी खंत व्यक्त करत त्यांनी आज (शुक्रवार) शिवाजी पार्क येथील शिवाजी महाराजांच्या स्मारकाच्या पायथ्याशी आत्महत्या करण्याचा प्रयत्न केला.

trumpet player
उद्धव ठाकरे, आनंद दिघेंच्या फोटोची चर्चा; अलका चौकात झळकला बॅनर

दहीहंडीच्या कालावधीत गुरव यांनी मुख्यमंत्री एकनाथ शिंदे यांची भेट घेतली होती. या भेटीत मुख्यमंत्र्यांनी त्यांना आश्वासन दिलं होतं की, त्यांना घर मिळेल. कालपासून ते मुख्यमंत्र्यांना संपर्क करण्याचा प्रयत्न करत आहेत मात्र त्यांचे सचिव कोणताही प्रतिसाद देत नसल्यामुळं आज त्यांनी टोकाचं पाऊल उचललं. दरम्यान, शिवाजी पार्क पोलिसांनी त्यांना ताब्यात घेतलं असून त्यांच्याकडील पेट्रोलची बाटली ताब्यात घेतली.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com