esakal | कोरोनाची दुसरी लाट आली तर महागात पडेल; आरोग्यमंत्री राजेश टोपे
sakal

बोलून बातमी शोधा

कोरोनाची दुसरी लाट आली तर महागात पडेल; आरोग्यमंत्री राजेश टोपे

राज्यातही अशी लाट येऊ शकते. आणि राज्यात दुसरी लाट आल्यास ती आपल्याला महागात पडू शकेल असे आरोग्यमंत्री राजेश टोपे यांनी म्हटले आहे.

कोरोनाची दुसरी लाट आली तर महागात पडेल; आरोग्यमंत्री राजेश टोपे

sakal_logo
By
तुषार सोनवणे

मुंबई - युरोपह सह अनेक देशांमध्ये कोरोना संसर्गाच्या दुसऱ्या लाटेचा प्रादुर्भाव जाणवतोय. देशातही दिल्ली आणि केरळ मध्ये कोरोनाची दुसरी लाट सुरू झाली असून त्याठिकाणी कोरोनाचे रुग्ण दिवसागणित वाढत आहेत. राज्यातही अशी लाट येऊ शकते. आणि राज्यात दुसरी लाट आल्यास ती आपल्याला महागात पडू शकेल असे आरोग्यमंत्री राजेश टोपे यांनी म्हटले आहे.

हेही वाचा - टीआरपी गेरव्यवहाराप्रकरणी सक्तवसुली संचलनालयाकडून (ED) गुन्हा दाखल

राज्यात कोरोनाचा कहर नवरात्री नंतर काहीसा कमी होतांना दिसत होता. परंतु दिवाळीतील नागरिकांच्या बाजारातील गर्दी मुळे कोरोना संसर्गाने पुन्हा डोके वर काढले आहे. देशात दिल्ली आणि केरळ मध्ये कोरोनाची दुसरी लाट आली आहे. सध्या दिल्लीत दिवसाला 5 हजारापेक्षा अधिक कोरोनारुग्णांची नोंद होत आहे. त्यापार्श्वभूमीवर राज्याचे आरोग्यमंत्री राजेश टोपे यांनी चिंता व्यक्त केली आहे.महाराष्टात कोरोनाची दुसरी लाट येऊ नये असं वाटतं परंतु तरीही चिंता वाटते. असे टोपे यांनी म्हटले आहे. राज्यातील जनतेने केरळ आणि दिल्लीतला वेध घेतला पाहिजे. असं सूचक विधान टोपेंनी केलंय.

हेही वाचा - शिक्षकांच्या कोरोना चाचणीचा सावळा गोंधळ; नियोजनाअभावी कल्याण-डोंबिवलीत तारांबळ

दिल्ली आणि केरळमध्ये लोकांनी कोरोनाचं गांभीर्य सोडून मास्कच्या वापराकडे दूर्लक्ष केल्याने संसर्ग वाढत असल्याचे टोपे  यांनी म्हटले आहे. लोकं कोरोनाला गृहित धरत आहेत. त्यामुळे कोरोनाची दुसरी लाट आल्यास आपल्याला महागात पडू शकते असेही टोपे यांनी म्हटले आहे

loading image