दहशतवादी याकुब मेमन याच्या कबरीचा वाद आता चांगलाच चिघळताना दिसत आहे. त्यावर राजकीय आरोप-प्रत्यारोपांचा खेळ रंगला आहे. शिवसेना नेत्या सुषमा अंधारे यांनी यावरुनच भाजपावर जोरदार टीका केली आहे. तसंच गांधीजींचा खुनी नथुराम गोडसे याचं समर्थन करण्यावरुन भाजपाला सुनावलं आहे.
याकुब मेमन याच्या कबरीला सजावट करण्यात आल्याचं समोर आलं आहे. यावरुन आता राज्यात मोठा वाद पेटला आहे. याबद्दल बोलताना शिवसेना नेत्या सुषमा अंधारे म्हणाल्या की, याकुब मेमनची फाशी आणि त्यानंतरची अंमलबजावणी भाजपाच्या काळात झाली. अमेरिकन सरकार जर ओसामा बिन लादेनचा मृतदेह समुद्रात टाकतं, तर अशी एखादी कृती त्याच काळात तुम्हाला का सुचली नाही? मुळात तुम्ही प्रेत दफन करण्याची परवानगी का दिली होती.
नथुराम गोडसेच्या समर्थनावरुन अंधारे यांनी भाजपाला चांगलंच सुनावलं आहे. त्या म्हणाल्या की, "जेव्हा याकुब मेमनच्या कबरीच्या फुलांवरुन चर्चा करतात, तेव्हा हे सगळे नकली हिंदुत्ववादी, त्यांना या गोष्टीचा विसर पडतोय का की या देशातला ७३ वर्षांपूर्वीचा सगळ्या पहिला दहशतवादी नथुराम गोडसे, ज्याचे रक्तरंजित कपडे, ज्यावर कदाचित गांधीजींचंही रक्त असेल, ते कपडे आजही जपून ठेवले जाता, त्याच्या अस्थी जपून ठेवल्या जातात. आणि त्याच्या स्मरणार्थ पुन्हा एकदा गांधीच्या फोटोला गोळ्या घातल्या जातात, हे हिंदुत्व आहे तुमचं? याकुब मेमनच्या कबरीचं काय करायचं ते केलंच पाहिजे, त्याचं समर्थन कोणी करणारच नाही., त्याची चौकशीसुद्धा व्हायला हवी. पण नथुराम गोडसेंची जयंती करणाऱ्यांचं काय करायचं, हा प्रश्न तमाम संघी आणि भाजपाच्या लोकांना विचारायची गरजआहे".
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
