शिवसेना आमदाराने नालेसफाई कंत्राटदाराला बसविले कचऱ्यात

शिवसेना
शिवसेना

आठवडाभरापासून मुंबई आणि उपनगरात पाऊस कोसळत आहे. मुसळधार पावसामुळे ठीक ठिकाणी मोठ्या प्रमाणात पाणी साचलं होते. नालेसफाईवरुन विरोधकांनी शिवसेनेवर जोरदार टीका केली आहे. विरोधकांकडून टीकास्त्र सुरु असतानाच चांदीवलीच्या शिवसेनेच्या आमदार दिलीप लांडे यांना चक्क कंत्राटदाराला नाल्याच्या कचऱ्यात बसवल्याचं समोर आलं आहे. चांदीवली येथील संजयनगर भागात मोठया प्रमाणत नाले तुंबलेले होते. याबाबत नागरिकांनी तक्रार केल्यावर स्थानिक आमदार दिलीप लांडे पोहचले होते. लांडे यांनी यावेळी आपल्यासोबत शिवसेनेच्या कार्यकर्त्यांना आणलं होतं. या कार्यकर्त्यांनी नालेसफाई सुरू केली. यावेळी नालेसफाईचं कंत्राट दिलेल्या पालिकेच्या कंत्राटदारालाही लांडे यांनी बोलवलं होतं.

आमदार लांडे यांनी नालेसफाईचं कंत्राट असलेल्या कंत्राटदाराला त्या कचऱ्यात बसवलं. हा कचरा इथं का ? असा जाब विचारत लांडे यांनी कंत्राटदारालाच कचऱ्यात बसवलं. लोकांना होणारा त्रास कंत्राटदाराला समजावा, या हेतूनं बसवल्याचं लांडे यांनी सांगितलं.

शिवसेना
डोंबिवलीत आज पेट्रोल फक्त एक रुपया लीटर

दरम्यान, एकीकडे महापौर संपूर्ण नालेसफाई झाल्याचं प्रसारमाध्यमांना सांगत आहेत. त्यावेळीच दुसरीकडे शिवसेनेच्या आमदराला कंत्राटदाराला नाल्याच्या तुंबलेल्या कचऱ्यात बसविण्याची वेळ आल्याचे दिसत आहे. यावरुन आता राजकारण पेटण्याची शक्यता आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com