esakal | 'अनिल देशमुखांवर धाडी, एफआयआर वगैरे अतिरेक'

बोलून बातमी शोधा

Sanjay Raut
'अनिल देशमुखांवर धाडी, एफआयआर वगैरे अतिरेक'
sakal_logo
By
दीनानाथ परब

मुंबई: राष्ट्रवादी काँग्रेसचे नेते आणि राज्याचे माजी गृहमंत्री अनिल देशमुख यांच्याविरोधात सीबीआयने FIR दाखल केला आहे. सीबीआयने केलेल्या या कारवाईवर शिवसेना नेते आणि खासदार संजय राऊत यांनी संशय व्यक्त केला आहे.

"मुंबई उच्च न्यायालयाने फक्त प्राथमिक चौकशीचे आदेश देत अहवाल सादर करा असे सीबीआयला सांगितले होते. अनिल देशमुखावर धाडी, एफआयआर वगैरे अतिरेक आहे" असे संजय राऊत यांचे मत आहे.

वकील जयश्री पाटील यांच्या याचिकेवरुन अनिल देशमुख यांची प्राथमिक चौकशी करण्याचे आदेश मुंबई उच्च न्यायालयाने दिले होते. अनिल देशमुख यांच्याविरोधात एफआयआर दाखल करण्याच्या निर्णयाचे वकील जयश्री पाटील यांनी स्वागत केले आहे.

हेही वाचा: मुंबईकरांनो, थांबा... लसीकरणासाठी जाण्याआधी ही बातमी वाचाच!

जयश्री पाटील काय म्हणाल्या?

"मी आधीच सांगितलं होतं, अनिल देशमुख ही मोगलाई नाही. तुम्ही मुगलांसारखे भ्रष्टाचार करुन या देशाला लुटू शकत नाही. हे संविधानाच, भारतीय कायद्याचं राज्य आहे. भारतमातेची अशा प्रकारे लुट करुन सुटू शकत नाही. तुम्हाला याचे परिणाम भोगावे लागतील. सीबीआयने एफआयआर दाखल केलाय तो सिद्ध झालाय ही महाराष्ट्राच्या जनतेची जीत आहे. बिझनेसमनकडून लुट सुरु होती, त्या सगळयांची जीत आहे" अशी प्रतिक्रिया जयश्री पाटील यांनी दिली.

तपासात सीबीआयला कसं सहकार्य केलं, या प्रश्नावर त्या म्हणाल्या की, "मी सीबीआयला मलबार हिल पोलीस स्टेशनची कॉपी दिली. चौकशीत मदत केली. पुरावे सादर केले. म्हणून सीबीआयने गुन्हा दाखल करुन छापेमारी केली." "अनिल देशमुख यांना अटक झालीच पाहिले, त्यांच्यावर भ्रष्टाचाराचे गंभीर आरोप आहेत" असे जयश्री पाटील म्हणाल्या.