अलिबाग, ता. 1 : कामावर ठेवलेल्या एका उत्तर प्रदेशातील कुटुंबाच्या आर्थिक कुचंबणेचा गैरफायदा घेत 54 वर्षांच्या नराधमाने 7 वर्षांच्या मुलीवर लैंगिक अत्याचार केले. मुरूड पोलिसांनी नारायण फाके या अत्याचार करणाऱ्या नराधमावर गुन्हा दाखल केला आहे. सोमवारी त्याला न्यायालयासमोर हजर केल्यानंतर पाच दिवसांची पोलिस कोठडी सुनावण्यात आली आहे.
जंजिरा किल्ल्याकडे जाणाऱ्या मार्गावरच खोराबंदर येथे नारायण फाके यांचा फार्महाऊस आहे. या ठिकाणी त्याने उत्तर प्रदेशातील एका कुटुंबाला कामाला ठेवले आहे. आई-वडील आणि दहा वर्षांचा भाऊ असे या सात वर्षांच्या पीडित मुलीचे कुटुंब आहे. खोरा बंदरात ती फक्त वडिलांबरोबर राहत होती. नारायण फाके वारंवार या फार्महाऊसमध्ये येऊन वडिलांना बाहेर जाण्यास सांगून अल्पवयीन मुलीवर लैंगिक अत्याचार करीत असे. या प्रकरणाची तक्रार येथील नागरिकांनी जिल्हा महिला आणि बाल कल्याण विभागाकडे केल्यानंतर कारवाईचे चक्र गतिमान झाले.
महत्वाची बातमी : मुंबईत या पाच स्थानकांहून टॅक्सी सेवा सुरु, अशी करा टॅक्सी बुक
जिल्हा महिला आणि बाल कल्याण अधिकारी महेंद्र गायकवाड यांच्या मार्गदर्शनाखाली ही कारवाई झाली. त्यापूर्वी लॉकडाऊनमध्ये आपल्या गावाला जाऊ न शकलेल्या या उत्तर प्रदेशातील कुटुंबाला रोजीरोटी आणि राहण्याच्या सुविधेची शाश्वती देण्यात आली. या नराधमाला आज अतिरिक्त सत्र न्यायाधीश (विशेष न्यायाधीश पोक्सो) वर्षा मोहिते यांच्या न्यायालयात हजर केले असता 5 दिवसांची पोलिस कोठडी देण्यात आली आहे. सोशल मीडियावर या अत्याचाराची क्लिप व्हायरल झाल्यानंतर जिल्हाभरातून याविरोधात संताप व्यक्त केला जात होता.
Shocking Seven-year-old girl tortured in Murud, accused arrested
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.